الى من تركني ورحل وعاد لكي يعتذر فكان هذا الجواب

عذرك مايفيدك كافي تتعذر من وجداني شعره تهز فلاتكدر

دبجي اكثر واهل دموع يابو دموع بعد لاتحسب اني بدمعك اتأثر

مو كتلك ترد وهمومك تخاويك وحذرتك جثير ويامه كلت احذر

نصحتك والنصيحه نطشت وي الريح ومن احجي تصدك ليغاد تتكدر

اذكرك من كلتلك ذني مو وياي لابد هم يجيلك يوم بي تعثر

مو كتلك خذت بالدنيا ماجستير انترنيت عقلي وبالنظر مجهر

انه ملاوي الزمن من الصغر تك ايد وماخذه الحياه وياه جر وعر

جهزلي الزمان جيوش يابو جيوش الهلالي شرد لو شافه وعنتر

وبخلاقي مشيت وماحنيت الراس والمنطق اسلاحي وعيب اجر خنجر

شعذرك يالبعتني بنفس هاي العين تدمع والغدر وياه كام يخر

الك جانت عيون تخوف الامريكان يرجف يرتعش لو شافه المستر

الك جانت عيون اتخوف اليعاديك يدنه اليضدك خاف يتعور

الك وجنات جان الجوري منه يغار يخجل كل حمار الدنيا من تحمر

الك جانت محاسن راحت بالحظات راحت مدري ليش وحالك تغير

ولون قاري شعر حمزه بسمار هنود لمن كال يبن الناس لاتغتر

جاحالك تغير من صدك لهواك لجن فات الاوان ووضعك محير

ماريد اعتذارك خلهم يفيدوك اهل الفلل والفيكات والمظهر

لان بينه طبع مانلبس البالات نتعب عالفصال ونلبس استندر

تحياتي للجميع

جهزلي الزمان جيوش يابو جيوش الهلالي شرد لو شافه وعنتر

وبخلاقي مشيت وماحنيت الراس والمنطق اسلاحي وعيب اجر خنجر


والله والنعم بالشاعر الموهوب ابن الحلة


مرحبا بك عزيزي بيننا

قصيدة جميلة نطقت كلماتها بالعتــاب ... والتحدي

احسنت عزيزي بداية رائعة

وبانتظار جديدك

تحياتي لك

صح السانك وعاشت ايدك اخ المحاويلي

قصيدة رائعة جدا بوركت ...

تقبل تحياتي وتقديري

ننتظر منك المزيد لاتبخل علينا