محاوره بين صديقين عن العراق ...

الاول (غريب الدار)

ياليل هم رجعت ... شتريد ولك يا ليل

من وحشتك شيبت ... و الحيل ما ظل حيل

مثل الرماد اشتعل ... و ابقى احترك كلي

من اذكر امي الصبح ... من تكعد تصلي

الثاني

يا ما نصحتك انا ... تذذذكّر شنساك

كتلك بلادك ذهب ... هو الذي سواك

و انت ابن هذا البلد ... لا تنكر الرباك

غشوك وصفولك ... دنيا و سعادة و خير

ما تدري شما هجر ... لازم يعود الطير

الاول

هسه انا وين اصبحت ... عنهم و وين اهلي

بس عين عندي بقت ... منها الدموع تسيل

اشتاكيت لاهلى انا ... و لكعدت اخواني

و كلمة هلا و مرحبا ... بشفاف جيراني

الثاني

شوداك لاهل الغرب ... شتسوي رحت هناك

من ترجع من الشغل ... منهو اليتلكاك

امك تحضر الغدة ... و اختك تصبلك ماي

جاي انت من الشغل ... مية هلا بهالجاي

و كلشي محضر الك ... و كاوي لك هدومك

و ابنك يشبكك شبك ... و يشاركك نومك

الاول

شتاكيت لاهلي انا ... و لكعدة اخواني

و كلمة هلا و مرحبا ... بشفاف جيراني

ملعون هذا الزمن ... ليوين وداني

خلاني اخلص الوكت ... بالحسرة و الياويل

الثاني

تشوفهم بالغرب ... كل واحد و ربعه

تكعد و مالك ربع ... و بعينك الدمعة

مو جنا نطلع سوة ... للجامع الجمعة

و الثوب ابيض حلو ... و من تمشي شمحلاك

لعد متكلي ... منو اللي وداك هناك

الاول

الليل بس يم هلي ... ثوب الفرح لابس

و محلاهه من تنسمع ... صفارة الحارس

زاد اهلي طيب يظل ... لو بس خبز يابس

و مكروه زاد الغرب ... بل منة والتذليل

الثاني

ببغداد عدنا حلو ... لمن يصير غروب

عالجسر ويم النهر ... تمشي ويه المحبوب

و دجلة تحضنك حضن ... و تحس العمر ما فات

و محلاهه لمت هلك ... و كاعد بالكريعات

الاول

شتاكيت انا لموطني ... و احسد اللي شافة

و لماي دجلة العذب ... من تشربه تتعافه

يا ريت منه العسل ... لو رادن شفافة

و انا الك مشتاك ... يا جاي يا بو الهيل

الثاني

و لو تجي و تفتر بعد ... و تدخل على المنصور

طيبة و حنان و عشك ... و طيور احلى طيور

و العيد عدنا حلو ... والله يا عيدي

يله نقارن سوة ... و ايدك تظل بيدي

ايفل..وبرجه..وهله.. ... ولندن..وكل تكساس

يروحون فدوة و نذر ... لشارع ابو نؤاس

منقول لعيونكم

شكرا اخي العزيز ابوكرار الورد
على الكلمات المميزة والمعبرة
احساس رائع وراقي
http://up.foraten.net/uploads/582ddba968.gif

محاورة رائعة ياحيدر

مشكور على هالإختيار الجميل

قصيدة شوق للوطن - والأهل - والأحباب

وقصيدة غزل بالكاع والنهر والحارات

عاشت ايدك عزيزي --- وتحياتي لك

ابو شهد الغالي
اخت ام فيصل الغاليه
منورين الموضوع بتواجدكم
تقبلو تحياتي
ودمتم سالمين

تسلم وتعيش اخويه الغالي:66 (46): ابو كرار:66 (46): المحترم

تسلمنا اعيونك يابعد روحي

قصيدة رائعه ......شكرا جزيلا الك يلغالي
ويسلملي ذوقك ياذواق
الك حبي وتقديري واحترامي

:66 (46):

اقتباس:

---

المشاركة الأصلية كتبت بواسطة محمد السوداني

تسلم وتعيش اخويه الغالي:66 (46): ابو كرار:66 (46): المحترم

تسلمنا اعيونك يابعد روحي

قصيدة رائعه ......شكرا جزيلا الك يلغالي
ويسلملي ذوقك ياذواق
الك حبي وتقديري واحترامي

:66 (46):

---

اخويه ابو جاسم الورده
شكرا على مرورك العطر
وعلى كلماتك الدافئه المملوءه
بعبق الورد والياسمين
تقبل تحياتي اخويه العزيز
ودمت بحفظ الباري

محاوره جميله ورائعه تسلم اخوي
حيدر القريشي
لك خالص الود والاحترام
وتقبل مروري ودمت بالف خير

محاوره جميله ورائعه
تسلم اخوي حيدر القريشي
لك خالص الود والاحترام وتقبل
مروري ودمت بالف خير