ِليش أجيتي ............عتاب تالي العمر

((ليش أجيتي ))

ليش أجيتي وفززيتي جروح گلبي
ألغفن من عني بعدتي ...ليش أجيتي
وليش يحبيبه على بختچ مو نسيت
وچنت أضن أنتي نسيتي
مادريتي ..................................؟؟
ما دريتي شصار بيه من مشيتي
لاسمعتي أخباري لامكتوب من عندي قريتي
ليش أجيتي
بعد كل هذي السنين شذكرچ بيه ولفيتي
مو كبرت وفات عمري..............
بسبب هجرچ والسنين أنحنى ظهري
وأنوسم بالشيب شعري
چان شعري بلون ليلچ...........
وهسه ابيض مثل كاغد ........مثل غبره
أبلون بيتي
ليش أجيتي
وليش يحبيبه الدمع لاح على جفنچ
وبأول حچاية عتب انتي بچيتي
أنت ندمانه وأجيتي ؟؟؟؟
لو زمان ألخان بي أفتر عليچ
وبغدر غيري أنچويتي؟؟؟؟
ليش أجيتي
وليش بعتيني بسعر حفنة تراب
وبالغلا غيري اشتريتي
وألف ليش وليش وضل سؤالي بلا جواب
وأكل بروحي شجنيت ليا سبب انت مشيتي
وليش عفتيني وجفيتي
حتى لاچلمة وداع
ولاحرف واحد حچيتي
ليش أجيتي ؟؟
ردي ردي منين أجيتي
وأنتي دمعچ مايفيد شما بچيتي
ردي يلمالچ گلب يلماهويتي
ردي لاتصحين الجروح ألغفن گوه
يلي بعدچ والگرب بيهن أذيتي
وأبقي عني بعيد يابنت الحلال
يلنطيتچ كل حياتي
وأنتي غيرجروح وآلام شنطيتي
وأنتي غير جروح وآلام شنطيتي

منقوووول

احسنت عاشق عيونك اختيار جميل تقبل مروري

وليش عفتيني وجفيتي
حتى لاچلمة وداع
ولاحرف واحد حچيتي
ليش أجيتي ؟؟


جميل مانقلت ياعاشق

قصيدة رائعة سلمت يداك

تحياتي لك

ماجد الغالي...ام فيصل عيوني منورين الصفحةيلغالين



تحياتي

شكرا لك يالغالي ع النقل الجميـــــــــــــــــــل .... !!


تحياتي

نورتي الصفحة يلغالية منورةبكاني الغرام



تحياتي