من تلتم صدك تلتم

من تلتم صدك...تلتم.........وحيره المن بعد تهتم
معلوم الوكت يومين...يوم اسرور يوم ابغم
واحذرك كلبي تتمنى...ناسك لو طحت ترحم
اصبر لاتعد اسهام...لا تشكي الجرح واتهم
وحدك صدهن اوداوي..وبالك جرحك اتراوي
اخاف العين من تبجي تتحول نبع من دم
يكلبي واقفل ابوابك...شماته اوعاذل وراوي
بقيل اوقال يتكلمون.....يكلبي والسكوت ارحم
يكلبي اعيون مفتوحه...عليك وبالالم تعلم
اعيون اشما علاها الضيم..تكبر بالحقد واتضم
يطشوهابوكت لوجان ادموع اوليل وك اظلم
اكلوب وي الوكت ضمت... كبرت بالحقد كبرت
ولو اذن بلال اوصاح..تصم الاذن ماسمعت
شلك بيهم او شلهم بيك..بتواسيلك اللافادت ولانفعت
يكلبي شبيك ياكلبي..غشيم وبالعجل تندم
اكلوب امفتته وثحراب...بيهم لاشمل يلتم
يكلبي والرحيل اسلم..يمعود بياضك لاح
وتالي العمر مايرحم...
اسنينك عايش ابوحده... شجاك وبالكبر تحلم
مريضه انفوسهم خايب..بيهم لانفع مرهم
لعبهم دوم عل الحبلين صحبه وللفلس تخدم
هذوله اشكال...والله الوان...بيهم ليش تتوهم
يمعود يبو الغيره...لا تتعب ولا تندم
ياكلبي والسكوت اسلم




فايق الگاطع حسن