اذا حبك نهر اتمى اغرك بيه

:66 (46):
أذا حبك نهر اتمنى أغرك بيه ..والغركان نعرف يدخل الجنه
واذا لاسامح الله قسمتك بالنار .. وحك ضلع الزجية لنارك ادنة
ياشمعة خواطر تشع تالي الليل .. تتهامس همس بسكوت شفتـنه
انه ابيوم شفتك ما حسبت حساب .. الكلب محبوب رادك هذه كل ظنه
عيونك والنواظر صفنن اعله الباب ..واحنه ابلا وعي من نحب تعرفنه
العشك هوه الفانه ودكدك البيبان .. مانعرف نحب بس لا تواخذنه


ياريل العشك والسجة كلهه اجروح .. تتجادح علينه وكامت اسبنه
يالوحه محبه الما وصلهه اتراب .. يظل حايط الشوك معلكة بغصنه
يافرحة يتامى وغفل طبهه العيد .. كاتلنه الخجل ومعرك كصصنة
محتار وحياتك بيش اوصفك بيش .. يا يوسف زمانك ذيب ما كلنه
كبل يوسف ابحسنه ندري نكص أجفوف .. بس حسنك مصيبه وكلنه ذابحنه
أدورك وين وانته ويه الرمش مشدود .. وصم چفي عليك وبيك اتحنه
ياريحت كرنفل بيك لوهليت .. ياريح الشمال المابعد منه
تاجر شوك انته واحنه ولهانيين .. تتعنه الشفايف بلكي تشربنه
نشك الليل ومنه أنطلعك أهلال .. واذا عاند ويانه الموت ميكضنه

محتار وحياتك بيش اوصفك بيش .. يا يوسف زمانك ذيب ما كلنه
كبل يوسف ابحسنه ندري نكص أجفوف .. بس حسنك مصيبه وكلنه ذابحنه

قصيــدة رائعــة

وصورة عشق وهيام دغدغت المشاعر

وصفت واتقنت بتفاصيل من تحب

ايها العاشق --- ياعاشق

امتعتني بما كتبت

شكرا لهذا الإحساس المتدفق

زدنا من عطاءك عزيزي

قصيدة رائعة
تسلم الايادي

تـــــحياتي

شكرا ام فيصل اسعدني مرورك وكلامك الرائع
نورتي الصفحة يلغالية


تحياتي

انتي الاروع احزان شكرا ع المرور يلغالية


تحياتي