عشرة ابيات تبده بكلمة وحك
وحك صفين والخندق وحطين
املش الراس بفراكك وحط طين
اطير من الفرح صدك وحطن
لون بحلام ليلي اتمر عليهِِ
وحك كلمن للعطاشه وده مايه
الوكت بس ضيمه جاني وده مايه
صرت جني المعارك ودمايه
اسير وميت ومفقود بيه
وحك البيت واليمه والعظام
احبك وبكثر حزني ولع ظام
يفز جلدي منشوفنك والعظام
ترجف من تمد ايدك عليه
وحك الهدم بيده هبل ولات
بعد ماتنفع وياي اللو ولات
شمكول اليالي السود ولات
يغبشن من صباح الله عليه
وحك المصطفى وحيدر والحسان
ربعي انكرو كل طيبي والحسان
هود ياكلب وصبر والحسان
اترك صحبت البيهم اذيه
وحك موسى ونبي ابراهيم والياس
بعدنه ماكطعنه الامل والياس
يريحتكم شبيه الهيل والياس
منشمنه ترد الروح اليه
وحك رمضان وصيامه والمساك
ابد ماملن اصباحك ولامساك
يسويه البخت خايب والمساك
احس الجنه صارت بين اديه
وحك من طول احناحه وحلاه
ابجماله راد تعذيبي وحلاه
الك بيه اثنعش حاله وحالاه
ولي بس الصبر ساتر عليه
وحك عينك وحك جفنك ورمشاك
اضل طول العمر امشي ورمشاك
عندي بالكلب منك ورم شاك
اشفه من تمد ايدك عليه
وحك البلمهد ربك وحاله
الدنيه وياي للهامه وحاله
اخوي الهد علي جلبه وحاله
الجلب رد وخوي الهد عليه
رد: عشرة ابيات تبده بكلمة وحك
صح السانك وعاشت ايدك اخي العزيز المتنبي والله ماقصرت يامبدع
ابوذيات قمة في الروعة والابداع
تقبل تحياتي واشواقي
رد: عشرة ابيات تبده بكلمة وحك
اللـه عليك يامتنبي العراق
احسنت وصح لسانك
ابوذيات رائعة -- سلمت يداك وتقبل تحياتي
ننتظر ابداعك فلا تبخل علينا
رد: عشرة ابيات تبده بكلمة وحك
حياك الله يلمتنبي
صح السانك
خو خلصن ال<وحك >
تقبل مروري يلعزيز
رد: عشرة ابيات تبده بكلمة وحك
رد: عشرة ابيات تبده بكلمة وحك
شكرأ اخي ابو جاسم على مرورك الطيب وشكري للاخت ام فيصل واخي اسد العراق واخي ابن الوسط واكله انشاءلله مايخلصن
رد: عشرة ابيات تبده بكلمة وحك
ما شاء الله عليك اخويه
ابوذياء قمه في الروعه والجمال
تقبل تحياتي
ودمت بحفظ الباري