أرجـع يالرحت بعيد عن بغـداد.......

السلام عليكم

هاي القصيدة حيل عجبتني وكلت انقلها الكم

اني مـتأكد كلنا خسرنا اصدقائنا وسافروا خارج العراق هاي اهديها لكل العراقين السافروا وخاصة اصدقائي الاعزاء
متمني لهم العوده القريبه العاجله

أرجـع يالرحت بعيد عن بغـداد
وسكنت هناك دولة ما هي دولتنه

حقك من رحت جان الوضع مو زين
تفجيـر وقتـل وأرهـاب موتنه

بس هسه الوضع مو نفسة ذاك الجان
عراقييـن كلنا وهـاي طيبتنـه

بعد ماكو جوادر مأتم وأحـزان
كبل جانت كبل بسنين شدتنـه

عبرناها الشـدايـد والحمد لله
وهالدمع اليصب ها دمع فرحتنه

كافي من الغرب مو صار خمس سنين
مل حتى الغـرب مو كثر غربتنـه

أرجع للأهل للصبحة والأحباب
نلتم مـن جـديد يا محلة لمتنـه

أرجع للنجف لدهوك والأنبـار
لتكريت وسماوه أرجع لبصرتنه

أرجع للفضل للثورة والنعمان
مناطقنه اصبحت والله جنتنه

يــا دجلة الخير يا أم البساتين
أرجع وأرتوي من ماي دجلتنه

أضربلك مثل صغير عن بغداد
حاول تفتهم وتشوف حيرتنه

بغداد الحضن والشرف والديرة
والأم والحبيبـة وهي هيبتنه

عايف هالحضن وساكن بغير احضان
وعفت هذا الشرف وهجرت ديرتنه

أرجع والنصر والله يعود وياك
وبيدك هاي بيدك شيل رايتـنه

أدري أنت وفي وأدريك ما مرتاح
وتصيح الله واكبر لغربة ذلتنـه

وأدري أنت أصيل ومعدنك يا نوع
وأدري انت الشهم والغيرة فزعتنه

أفرض بالغرب لاكاك ملك الموت
وبتراب نزلت ما هي تربتنـه

درجع والجواز هناك شمرة بعيد
ومزكها الأقامة وهاي فرحتنه

أرجع والفرح ينتظرك ابغداد
أرجع و الوطن محتاج وكفتنه
أرجع و الوطن محتاج وكفتنه


تقبلو تحياتي

حيدر القريشي

شكرا اخي العزيز حيدر الورد
على الكلمات الجميلة والرائعة
واختيار اكثر من رائع لشعر مميز وجميل
وصف رائع للاحداث الجارية لحبيبتي بغداد
:66 (59)::66 (59)::66 (59):
:66 (53)::66 (53)::66 (53):
http://up.foraten.net/uploads/64d7738e18.gif

كافي من الغرب مو صار خمس سنين
مل حتى الغـرب مو كثر غربتنـه

الله على هالإختيار الرائع ياحيدر
احسنت وحشمت النشامة تعود للأحضان
ومافي اجمل وأدفه من احضان ديرتنه

الف شكر لك على كل كلمة نثرتها عزيزي

اقتباس:

---

المشاركة الأصلية كتبت بواسطة اسدالعراقي

شكرا اخي العزيز حيدر الورد
على الكلمات الجميلة والرائعة
واختيار اكثر من رائع لشعر مميز وجميل
وصف رائع للاحداث الجارية لحبيبتي بغداد
:66 (59)::66 (59)::66 (59):
:66 (53)::66 (53)::66 (53):
http://up.foraten.net/uploads/64d7738e18.gif

---

العفو اخويه ابو شهد الغالي
دائما منور بتواجدك المتميز
تقبل تحياتي

اقتباس:

---

المشاركة الأصلية كتبت بواسطة ام فيصل

كافي من الغرب مو صار خمس سنين

مل حتى الغـرب مو كثر غربتنـه

الله على هالإختيار الرائع ياحيدر
احسنت وحشمت النشامة تعود للأحضان
ومافي اجمل وأدفه من احضان ديرتنه

الف شكر لك على كل كلمة نثرتها عزيزي

---

العفو ام فيصل المبدعه
وشكرا على مروركي الرائع
وتقبلي تحياتي

العفو اخويه محمود
وشكرا على مرورك
تقبل تحياتي

بغداد الحضن والشرف والديرة
والأم والحبيبـة وهي هيبتنه

عايف هالحضن وساكن بغير احضان
وعفت هذا الشرف وهجرت ديرتنه




عاشت ايدك اخي العزيز حيدر الغالي والله منور المنتدى بمشاركتك هذه
قصيدة رائعة جدا وانشاء الله يلتم شملنه عن قريب ونروي عطشنه من ماي دجله والفرات
ونطيب اجروح غربتنه يوم نلتقي بالاحبه والاخوه والاصدقاء
تقبل تحياتي وشكري الجزيل

العفو حبيبي الغالي محمد الورده
وان شاء الله يا ربي
يرجع كل واحد لداره ولمنطقته ويلتم الشمل من جديد
شكرا على المرور اخويه العزيز
وتقبل تحياتي