لوانت اعيد بيك لا والله ماري

عيد اليمر بجفاك ماينحسب عيد

لوانت اعيد بيك لا والله ماريد . ولو انت كطعت بيه وكمت تتكبر عليه

لو كاطع انه وياك صدكني ماعيش

مو انه مثل الطير وانت الي الريش

مو طبع بيه انساك و لاطبعي اعوفك
بس الوكت بذات حارمني اشوفك

الوكت من يريد يبعدني عنك

صدك ابيع الروح بنظره منك

لو تجي وبيدك سيف كتال اليه

صدكني افرح بيك واحسبه جيه

صدكني اجيلك دوم وامشي على راسي

واسأل عليه الكوم انت اغلى ناسي

منك جذب ماتوب لو مدري شيصير

قانع احبك موت وبلايه تفكير

ويه الجذب ياخوي اسأل عليه

البطنج هو ايصير ودوم انه حيه

ثاري الكلب بالشوف اقوى من العيون

يعني التضيعه العين بالكلب مدفون

عيوني من فركاك يبجن سجاجين

وشرحن الوجنات وخلن نياشين

عيونك بجن يهواي وخلن نياشين

دم انه من اجفاك يجرن لهل الحين

ماجذب الي كال الشوف مو للعين

الكلب هو ايشوف والباقي فلسين

ترتجف كل اعضاي وبحبك انغر

كل جرح بيه يطيب لو شخصك المر

تدري من اشوفك زين انه انسه الجروح

انت الكلب والعين وساكن بنص الروح

لا جرح لاجرحين اجروحي كلفات

تدري ويدمع العين اطيوفك اتبات

الجرح جرح الروح مو جرح الاجساد

وتبقه انت دوم النار والباقي ارماد

م
ن
ق
و
ل



ل
و
ل
و
مع تعديلي

مشكور يارضوان على هذا الإختيار

دارميات جميلة

تقبل تحياتي ومروري

دارميات روعه
شكرا الك حبيبي الغالي
على النقل والتعديل
وتقبل تحياتي

مشكور اخي العزيز رضوان كلمات رائعة عاشت ايدك ياورد
تقبل تحياتي وتقديري........ننتظر منك المزيد

لو تجي وبيدك سيف كتال اليه

صدكني افرح بيك واحسبه جيه

الله الله روعه

الاخ رضوان الف شكر على الاختيار الرائع..
وتقبل مروري..
وتحياتي الصكر

:66 (46):شكـــــرا:66 (46):
كلمات مميزة وجميلة جدا يا مميز
:66 (46)::66 (46):عاشت الايادي:66 (46)::66 (46):