الى زمن الرحيــــــــــــــــــــــــــل

لاتسافر !
والعمر ريشه بمهب الريح
مدري بياكتر تنزل !!
لاتسافر !
ودمعة السافر غريبه
وغربة الدمعات تكتل !!
وانت جم درب المشيته !
والجدم شتلات فركه بدربي يشتل !
لا تسافر !
وهاك اخذ وياك عيني
خاف دمعاتك تشح بليل غربه !!
وهاك اخذ وياك عمري
وانت عمرك بالبعد بشكد تحسبه !!؟
ولا تسافر .......
وزارع عيوني اعله دربك
اليوم توصل ... بلكي باجر
ولو اجيت ..
راح اطلك مستحاي !
واركص بدربك واصيحن عمري جاي !
واحضن سنينك بديه وانسه
دمعاتي التسيل !
واكتب اعله الحيطان جلمه
يازمن بسك رحيل .....!
يازمن كافي رحيل .....!



الف تحيه لاخي زمن الرحيل وللجميع وعذرا الكلمات ارتجاليه ومستوحاة من اسمك الغالي ..اخوكم ماجد الشاعر

ولو اجيت ..
راح اطلك مستحاي !
واركص بدربك واصيحن عمري جاي !
واحضن سنينك بديه وانسه
دمعاتي التسيل !
واكتب اعله الحيطان جلمه
يازمن بسك رحيل .....!
يازمن كافي رحيل .....!

ماأصعــب الفــراق
ومـــاأحلى التــلاقي

ومابينهما تحرق الأشواق ايامنا

تحياتي لك عزيزي

شكرا لك ام فيصل ولجهودك الكبيره والمميزه شكرا من القلب للمرور الكريم

والله ما اكول شي الا صح السانك يا ماجد يا شاعرنه

سلمت اخي الكريم فعلا انا شاعركم فانتم تستحقون الكثير الكثير