ارحمني

علمني اكرهك خاطر انساك
مو كَتلي تريد انساك انه
واخذ كَلبي اليذكرك ليل ونهار
و واتر بم ركبلي بمجانه
وارحمني اريد تكَصه بالموس
لان كل دكَه بيك ايصيح شريانه
انه بلياك ساعه جذب ما اعيش
وانه لو رحت ما اظل انه
طير وكسروا رجليه شيفيد
واجوه وكسروا من عكَب جنحانه
اريد اجناح بيه اصفج وانه طير
بعد ماظل صبر بيه وانا طيـــر
لون انت غصن ليه وانا طيـــر
قسم ما اطير اظل حـد المنيــه
تريد انساك اوكي انه انساك
بس بشرط لو كَلبك نساني
ومو بس هذا الشرط هاك اسمع شروط
سمعت الاول ومن بعده ثاني

اريدك بيدك انته اتكَص الالسان
لان ذكرك ابد مافاركَ لساني
ياعمري وضحكتي وكل الافراح
علمني بصدودك ما اعاني
علمني الكره والحقد كيف يصير
وجردني بعد من كل حناني
وبعد هذا اريدك تكتل الكون
لان باسمك يصيح بترس اذاني
واذا هذا يهون عليك ويصير
اضل لحظة وصل منك اتاني
ولك حتى من اموت وتمر على الكَاع
افز من الكَبر واترك مجاني
واصيح ابصوت مية هلا بالجاي
رد ليه حبيبي وما نساني
هله بجيتك حبيب الروح منجيت
وانه بلياك من الهظم منجيت
الحمدلله استجاب الدعه من جيت
وحط ايديه حبيبي ابين اديه

تحياتي

ياعمري وضحكتي وكل الافراح
علمني بصدودك ما اعاني
علمني الكره والحقد كيف يصير
وجردني بعد من كل حناني

ولك حتى من اموت وتمر على الكَاع
افز من الكَبر واترك مجاني
واصيح ابصوت مية هلا بالجاي
رد ليه حبيبي وما نساني



الله الله قصيدة رائعة ابدعتي اختي العزيزة قلب المحيط
كلها رائعة ولكن هذه المقاطع قد عجبتني اكثر
تقبلي تحياتي وودي يا رائعة اتمنى لك المزيد من الابداع
ننتظر منك المزيد

قصيدة جدا رائعة

عاشت ايدج عزيزتي قلب المحيط

وسلم لنا هذا المداد الرائع

تحياتي لك