وكع عباس وكفه من انبر بالسيف
وعزرائيل يمه ولا قبض روحه
كتله من الكرامه اشكثر بيه اجروح
ظل تنزف كرامه وتضحك اجروحه
اشلون الزم دمعتي من اذكر العباس
اذا طفله دمعتي وعينه مجروحه
در ثدي القوافي بحضرة العباس
لازم كل حرف يترجم اطروحه
ترجم وفاءه لزينب الحوراء
لهسه اجفوفه على الشريعه مطروحه
بينه وبين زينب ارتباط نشوف
من تنجرح زينب جنها مذبوحه
ومن غمضت عينه الدنيا صارت عين
صارت عين كلها وبقت مفتوحه
ومن ذبحوا جربنه النور غط النور
مو جربه الشمس ياناس مذبوحه
وكلت لوحه بالسمه لرسم العباس
طلع عباس اكبر وازغر اللوحه
اليجي خيال منك ما خلص عباس
اليجي يمشي يمك زندك اتلوحه
الطف ايصير ماصخ لو شلت عباس
لكن من نذكره ترد الملوحه
تحيات
هاشم نجم
