تانيتك

جاملتك اهواي وكلت اداريك----اعت بيك وعلى اخفاءك تعتني
علتك اهواي وما نفع بيك-------ودليتك علي وما شفتني
فضلتك علي بكل شي البيك-----وعليه كلشي البيه انته لمتني
امد ايدي على اجروحك اداويك---تكلي ايك جرح بس شيله عني
بجيتك كبل محد مثلي باجيك------وعليك اعيوني من حزني عمني
اكبرت بس ماكبر بيك اليصحيك---بعدك طفل من تغفل تغني
تانيتك بعد لا تظن اتانيك -----خلص عمرك غلط وتريده مني؟
وجه بابك لبس لون الخسارات----بس وجهك ولا حس بخساره
وليلك ذكرك بهواي حسبات------لان يحجي صدك ترفض افكاره
يدري الليل باجر ما يظل ليل----ويا ليل الرفض جية نهاره
وقرار العمر من يمر محطات---اتريده ابخاطرك يكسر قراره
عليك من الكبر بانن علامات---كل يوم اليمر يترك اشاره
عليش اتريد عمرك ما اله حدود--تره اليكبر تمل من عنده داره
وكبل ما تملك اهلك والحبيبات--تعال احسبها زين بالف تاره
ياهو اليخسر اليربح جنات------لو يخسر الجنه ويربح ناره
اشتغل للاخره غاية الغايات----وانطيهه على افكارك صداره
تره بالاخره ماكو احتمالات---وتره غير العمل ما تصير جاره






تحيات



هاشم نجم

الله قصيده رائعة وكلمات في غاية الروعه والجمال
احييك اخي العزيز هاشم نجم واحيي وحي قلمك في تصويره الرائع
تقبل تحياتي وودي وننتظر منك المزيد

هاشم نجم
شكرا على هذه القصيده الجميله
استمر فنحن لك متابعون

تحياتي

العراقي

شنو هذا الابداع اخويه العزيز هاشم
الى الامام والى التقدم بقلمك المبدع
تقبل تحياتي واشواقي ولهفتي لقراءه المزيد
اخوك حيدر القريشي

تسلم اخ هاشم على الكلمات الجميلة

اخي هاشم احييك على هذه القصيدة الجميلة

تقبل مني التحية والمرور

هاشم رائع وكلمات اروع بوركت اخي العزيز

شكرا اخي الكريم هاشم على الكلمات الروووووعه
تقبل مني اسمى التحايا يا مبدع