مصر والسعوديه والغرف علي الاسكاي

ايه اللي بيحصل ياجدعان دخلت صدفه علي احد الغرف علي الاسكاي وفوجئت بل صعقت بما سمعت مجموعه سعوديه لهم غرفه لسب وشتيمه المصريين ومجموعه مصريه لهم غرفه لسب وشتيمه السعوديين دخلت حاولت ان الطف الجو دخلت علي الغرفه السعوديه الاول حدث هذا
مساه الخير يا جماعه طبعا انا حاطط علم مصر للصوره الشخصيه بتاعي هما شافوا العلم معرفش ايه اللي حصل المهم بعد مساء الخير ردوا بأدب مساء النور يا ابن...............قولتلهم متشكرين ياعم مينفعش كدا ياجماعه احنا اخوات عيب كده متضحكوش حد علينا ردو وقالوا روح قول الكلام ده لولاد ال..............قلتلهم حاضر انا هروح وهقنعهم وهرجع تاني ذهبت الي الغرفه المصريه مساء الخير يا جماعه قالولي اهلا حببنا وابن بلادنا قولت الله اكبر بدايه مطمئنه ياجماعه بلاش كده عيب احنا كلنا اخوات انا لسه مكملتش اخوات لقيت الخط قطع وواحد قال منهم نعتذر عن هذا العطل يبدوا ان حمار دخل علينا من الزريبه وخرج انا طبعا سمعت كلمه حمار كبرت في دماغي وقولت والله ما انا ساكت دخلت تاني علي الاخوه السعوديين قولت جايز اعمل حاجه وقولت اعتذر لهم وعن الشعب المصري كله فتحوا الخط دخلت قولتلهم انا مش عاوز حد يتكلم ألا لما اخلص انا بعتذر لكل الشعب السعودي العظيم عن اي اساءه سببها قله منحطه من شبابنا وشكرا كان بصراحه الرد بتاعهم حكايه عملولي اغنيه كلها الحان جميله مقلكش بقي علي كميه الشتيمه اللي اخدتها يعني هنا بتهان وهنا بتهان
السؤال بقي ليه كل ده ومين السبب فيه احنا كلنا حبايب عشان ايه ولمصلحه مين اللي بيحصل ده انا مش عارف اتمني ان تزول هذه الظاهره قريبا احسن بصراحه شكلنا بقي مش حلو...كريم

طول ما هو ده اللى في عقلنا
نشتم ده
ونتخانق مع ده
وننقد ده
فين الوقت اللى هنلاقيه علشان نفكر اذاي نصلح حالنا ونمشى خطوه للامام
اعدائنا مش محتاجين يفكروا اذاي يضعفونا احنا قايمين بالواجب تمام
ربنا يهدينا جميعا
موضوع جميل يا كريم تسلم ايدك

متشكرين يا عم تيتو علي المجامله الجميله منك باين فعلا انه موضوع جميل بدليل محدش عبرني من الاعضاء ايه المنتدي ماله حاله واقف ليه نرش شويه ميه ونبخر كده جايز العين تمشي اللي حسداني دي ولا ايه لا انا عارف السبب ان انا لساني طويل كل ده بسبب الموضوع الاخير وانا عارف اني لو عملت احسن موضوع في العالم الله في سماه محد هيجي نحيته هما هيبصوا تحت كريم هشام اركب التاكسي يابني وعلي اقرب موضوع وهو ده احد النقاط اللي كنت بتكلم فيها مش بتكلم عن نفسي طبعا ولاكن علي الكل الاحباط ان عضو يكتب موضوع وبالبلدي كده يحس انه عاوز يترمي في الزباله عشان الاعضاء مش فاضيين العضو الفلاني شاغل نفسه بموضوعه عاوز اكبر ردود عشان طبعا يدخل كأس العالم والعضوه الفلانيه كل همها في كاتب معين ترد عليه عشان ممكن يكون ابن الحلال ياجماعه اكبروا بقي بلاش كده انا شايف علي الصفحه موضوع لايوجد عليه اي رد هو صحيح منقول وايه يعني انتم اتفقتم علي ان النقل المباشر عادي زي متشات الكوره كده بث مباشر طيب ليه مردتوش علي الموضوع زواج البنت الصغري قبل الكبري موضوع جميل بيناقش شئ مهم انا هوجع دماغي ليه احنا صايمين وانا كتر الكلام بيفكرني بالمحشي ..شكرا