اخاف احجي واسولف وادري ميصدكون

أخاف أحچي و اسولف و ادري ميصدگون
محّد غيري أحسّن عرف قيمتها
تحيّرت ابوصفهه وعقلي ظل محتار
هاي الدوّختني ابسر محبّتها
عجز نبض الشعر واحساس اليكتبون
اذا بين السطور اخيال صورتها
دوّرت اشكثر ماشفت منهه اثنين
شگول و شرد اسولف عن محنتها
ضحكتهه قصيدة و ألف بيت أشعار
و چم ديوان مكتوب اعله شفّتها
ما تعرف اتغار و هذا شي معروف
واذا غارت محبّة اتصير غيرتها
مثل حضن امي ساعة أدخل امن الباب
تحضنني وتضمني الله يشبگتها
نظرتهه تطيّب كل عليل ايلوع
و ادري ابعلّتي اتداويهه نظرتها
بوستهه عطر ويعم على الطيبين
و من طيب الوطن تنقاس طيبتها
اهي بغدااااااااااااااااد جنّة اتعادل الفردوس
ما توصل مدينة العشر جنّتها

الله الله الله
قصيده رائعه وجميله جدا جدا
بكل المعاني والصور
سلمت اناملك اخت قلب المحيط:66 (46):
تقبلي تحياتي وننتظر منك المزيد

أهي بغدااااااااااااد جنه اتعادل الفردوس
ماتوصل مدينه العشر جنتها

نورتي المنتدى

شكرا اخي محمد عل مرورك الجميل

وهذا من دواعي سروري القصيدة عجبتك

وانشاء اللة اقدملكم المزيد

الله عليج وعلى هالروح الحلوة والكلمات الرائعة

سلمتي عزيزتي على هذا الإحساس والعاطفة

قلب المحيط لقد رسمتي صورة من الغزل بالمحبوبة وماأجمل هذا الغزل اذا كان لبغــــــــــــــداد سيدة العواصم

شنو هذا الابداع يا قلب المحيط
شكرا لكي ولقلمكي المبدع
وننتظر المزيد من التقدم
تقبلي مني خالص الود والتقدير

شنو هاي القصيده الروعه عاشت ايدج حبيبتي
تحياتي وسلامي

شكرا يامبدعه على هاي الكلمات الحلوه
رمضان كريم

شكرا لكم جميعا وعلى ردودكم الحلوة ونورتوا صفحتي

وانشاء اللة اقدملكم المزيد وكولشي جديد ومميز