مسافر لوحــــــــــــــــــــــــدي

مسافر انا لوحدي !
وبس طيفك انت وياي
وشنهو الاريده بعد
ومكيف انه بهاي !!
لو لحظه اغمض الجفن
تخطف علي صورتك !
واصرخ ولك يل وكت
هاي انت ومروتك !
دنيه انتي كلج عطش !
ومحبوبي نبع الماي!
محبوبي وجهه الشمس
وصوته اعذب من الناي !!
جن شعره روجة بحر
وجتوفه جنهه جروف !
ولو لاعب الماي الجرف
عالجرف مامش خوف !!
ومحبوبي ياضحكته جن بلبل يغرد
سبحانه فصلهه اله بس بيهه متفرد !
وبعد المسافه جذب
وكل لحظه هو وياي!
احجيله عني شكثر
وهم هو يحجيلي !!
واشكيله من الوكت وما ارضه يشكيلي!!
بخدوده جنة عدن
وبجفوفه روحي تبات !
تنسه وتعوف التعب وتمدد بطوله
وياطوله ماينوصف شو جنه هلهوله !
وبعد المسافه جذب
وكل لحظه هو وياي !
محبوبي ماينوصف صوته اعذب من الناي
والليل لمن يجي وينزل على الحيطان !
جسمي الك ينكلب ويصير كله أذان !
من بأذنه اهمس عشك !
وهو يهمس بأذني !
جن جنحي كد السمه
واعليك ياخذني !
محبو يادنيتي ويا اغله من روحي
بلسم لكيته امس متوسد جروحي !
ولتكلي احبيبك منو !
ولتكلي وك شسمه !؟
عيوني وخيالي ابد ما فاركن رسمه !
وبعد المسافه جذب
وكل لحظه هو وياي !
محبوبي ماينوصف صوته اعذب من الناي !!

ارق واحلى تحيه لكم من لخوكم ماجد الشاعر ....

ارقى واحلى تحيه مني الك يا شاعر
شكرا لك اخي العزيز على القصيده الرائعه
والممتعه والمميزه لما تحمله من الذوق الرفيع
تقبل مني خالص الود والتقدير مع تحياتي
وصيام مقبول وافطار شهي

راقي دائما وذواق في اختيار الكلمات وتنسيقها لتخرج منها لوحة صورية جميلة

احسنت ياماجد يلكلك احساس

تحياتي لك

اخي حيدر القريشي الف تحيه لك وممنون جدا منك ورمضان كريم عليك وقبول الطاعات ماجد الشاعر .....

نخلة بلدي الشامخه الف تحيه لك واسعد كثيرا وانا اقرء كلماتك التي عودتيني عليها شكرا ام فيصل الغاليه

مبدع انت اخي ماجد قصيده رائعه وجميلة المعاني والصور
تقبل تحياتي يلغالي اخوك
محمد

دنية انتي كلج عطش ومحبوبي نبع الماي...صورةغاية في الروعة.
ياطول ما ينوصف شو جنة هلهولة...واللة وبدون مجاملة الك برائة اختراع على هذا البيت فلم اقراء او اسمع من احد وصف الطول بالهلهولة.ولكن...هو هذا الابداع و....بس .مع اعجابي وتقديري

لف تحيه لك اخي محمد السوداني وشكرا لكلماتك الجميله اتمنى لك دوام الصحه وسلمت اخي الغالي .......