شعر على العـــــــــــــــــــراق

خجل حتى الوطن من شافنه ابها لحال ... مثل والد عليل اتعاركو ولده
ياجار اليحشمه اويدري بالجيران ... متحزمه عليه اوتشتغل ضده
اذا مايهده تهده اوتفرح اوترتاح ... اوماتهده دقيقه من تلوضع يهده
باوع علدول والناس وصلت وين ... وحنه ابهل خلاف انجيبه ونرده
مسرحنه انعرف وشتهروا لابطال ... مخطوف اوشهيد اولازمه العده
اومجهول الهويه اوجسد مابيه راس ... اومفجوعه ابولدهه اوتصرخ ابسده
مسكين اليتيم ايمر عليه العيد ... ودموعه فواتح ناصبه ابخده
گلي ابيا ذنب كتلو ابوه اوليش ... كوم اعيال عده اوكلشي ماعده
اوگلي ابيا بخت جابوه ابغير ازنود ... للجابت عمرهه امچلبه ابزنده
جرحك مثل جرحي اوبلوتك بلواي ... وصوابك اصوابي اشلون ماشده
ناوشني المحبه اوبوسة التجبير ... خل نگطع نزيفه ابلسم الوحده
اشگد مشتاگ امر للاعظميه اليوم ... والنعمان ازوره اويمك اتغده
اونعبر عالجسر نتمشه ايد ابأيد ... يم باب الحوائج غيضنه انهده
لاخير ابوطن ماتغفه عينك بيه ... و لاخير ابشعب مايعبر الشده
اتمنى تعجبكم
منقول

واللـــــــه قصيدة اكثر من رائعة

تسلمين عالنقل والإختيار

ويسلم الشاعر العظيم الي كتب هالقصيدة

الله عليك ياعراق وعلى ولدك شعراء وهمه بالمهد

تحياتي لك عزيزتي

قصيده في غايه الروعه
شكرا لكي على النقل المتيز
وتقبلي مني خالص الود والتقدير

شكرا ياام فيصل نورتي الموضوع
وشكرا اخي حيدر على المرور
نورت الموضوع تقبلو تحياتي