كربــــــــــــــــــــــــــــــــــــلاء

ديني وهلي ودنيتي
وبيتي واعز ناسي
جنه وجذب ارتوي
منج واذب ناسي
بيج المناير شمس
وانتي بعلاة الشمش
للموت زفيتي امس
من ربعي من ناسي
واشكد هوه اتنفست
كله علي قاسي
واجم عطر مر علي
ما والم انفاسي
وبدمي ارسمن سوه
الحضره والزوار
وطيور الصحن رفرفن
صعدن لباب السمه !
وجنهن يشيلن نذر
للباري ودنه !
شالن عطر بالجنح
من الجنه للجنه !
بكل لحضه اشوف الصحن
لو غمضن عيوني
وساقي العطاشه البطل
وجفوفه شالوني !
ويم الكباب الذهب
يل ناسج انتي ذهب
وتاخذني صفنه شعر
صوره وخيال وهمس
اظلين بيرغ وفي
وبيت الكرم والعلا
وشكتب شعر مايسد
كطره ابحر كربله

تقبلوا تحيات ماجد الشاعر وحما الله كل مدن العراق ورمضان مبارك

اشكرك على رائعتك هذه التي اهداها لنا قلمك الشامخ
كمئاذن كربلاء
تقبل مني كل الاحترام والتقدير
اخي المحترم ماجد الشاعر
:66 (46)::66 (46)::66 (46)::66 (46)::66 (46):
رمضان مبارك عليك وعلى كل العراق
وكل عام وانت بألف خير

وانت بمليون خير ورمضان مبارك عليك وهذه دعوه لك بالتوفيق والصحه الدائمه من تحت مأذن كربلاء سلمت حبيبي
الغالــــــــــــــــــــــــــي

ماجد الشاعر
مبدع انت كما عهدتك
سلمت اناملك على ما خطت

تحياتي

العراقي

كلك ابداع من راسك لاخمص قدمك وهذه واحده من روائعك مع خالص تحياتي

صح لسانك ياماجد

وسلمت يداك ياشاعر

احييك على هذا الوصف الرائع

كربلاء قطعة من الجنة

احسنت عزيزي

اخي مصطفى العراقي تحيه لك من ارض كربلاء مقرونة لك بالدعاء بالصحه الدائمه ,,,,,

اخي الزير الروماني انا لاجد الكلمات لتسعفني كي ارد عليكم فأنتم حقا مبدعون وطوقتموني بوسام اعتز به