آخر موادع الي...اسامه الحمداني

• وداعا يا كلب وشفافي اخذها جناح
• وارحل لاترد ضلوعي ممسوحــــــه
• ولاتكلي النبض ممنــــــون ما يحتاج
• أنه بــدمي حبــيــب يداور بروحــــه
• ولا تنسه اشافي تحطهه عالشفتين
• بين اشفاه جانت هيه مرجـــــــوحه
• واخذ نظرات عيني وخلني عمـــيان
• عين بلايه دنيا شعدهه مشبوحـــه
• خلافه من ابتســــم ما تباوع الناس
• ومن اضحك ضحكتي تصير مبحوحه
• ولا واحد سمعهه ولجن الدمعـــــات
• تلم كل الشماته ودوم مفضوحـــــه
• ومو بس عله خدي انرسمت اللوحات
• أنه البخدود روحي الدمعه مذبوحــه
• وصح ون الحمام يفلش الحــــــــلات
• أنه مفلش حمامه بآه مو نوحــــــــه
• ولجن ماهو آنه الصــــــرت أنه بلياك
• وذاك الجنت آنه شمالي مالوحـــــه
• مثل طبع الجبل هم أصلب يجـــــوز
• لجن صابه العشك وتوسد سفوحه
• جنت حسبالي أغزر من ذبت بيـــك
• ولوني الما أغزر شنههي الملوحـــه
• ولاتكله ياكلبي عفته عاشر مـــــوت
• وتشرح قصتي وتحجيله الاطروحـــه
• كله الجرح خانه الولف ماناسيــــــــك
• ربه جروحه كبرن واكلتـــه جروحـــــه

يسعدني أن أقدم لكم مشاركه من أخي الشاعر الشاب اسامه الحمداني راجيا أن تنال رضاكم.....

قصيده رائعه تحياتي الك ولكاتبهه
تقبل مروري اخي العزيز ماجد اخوك
محمد السوداني

قصيده رائعه ومتميزه

شكرا لكي اخي على النقل

تقبل تحياتي

الاخ محمد السوداني العزيز
الاخ حيدر القريشي الغالي
الاخت ملكة الاحساس العزيزه

شكري الجزيل لمروركم الجميل وتحية اخي اسامه الحمداني لكم وهو الان احد اعضاء عائلتنا

السلام عليكم ورحمة الله وبركاته شكرا لك اخي العزيز
على هذا الموضوع الجميل سلامي لك وللاخ اسامه الحمداني
تقبل مروري
اخوكم الشاعر ميثم السعدي