حلم شاعر
يجيني الليل اشوفنك بدر صاحي
يجي المصباح اشوفك شمس مصباحي
عجيبة اشلون يحسين اجمعت ضدين
صرت هم دمعتي وهم بسمة افراحي
خنق روحي الهجير وعز عليها الماي
واجيتك عود ذابل يا نبع دنياي
حلم يبن الوديعة وشالتك عيناي
مثل خفقة نبض ينبض هواك وياي
اجيتك عندليب وكسر جنحي الشوق
مثل فطرس رجع لي بفضلك جناحي
مثل كل النوارس لمن تهاجر
طرت بجناح نورس وبحلم شاعر
همت بين الظنون ولهفة الخاطر
شاغلني هواك وموجك الساحر
ومن جيت وقلتلك سيدي عطشان
صرت دمعة نجوم الليل بقداحي
تعبت من دنيتي واحتار اشوفك وين
ادور يا حبيبي بيا يا كتر ومنين؟
اصد للبدر لن يندهني رمش العين
هذا مو بدر هذا التشوفة حسين
واقضي الليل وياك بسهر عشاق
ضوى عيونك يسد بوابة جراحي
يطول الليل ريته وريت اظل وياك
شفت ضي الصبح يحجب سحر معناك
الشمس لاحت صحت حل يابدر فرقاك
لن الشمس انت يالضواها اضواك
انت الضوى وانت الزرع وانت الماي
وانت سيوفي يوم الشدد ورماحي
حبيبي وحيرتني بسرك وامرك
هذا البالـ ثريا انته لو بدرك
يمن صبري مزجتة من درع صبرك
ابيع العمر كلة بلحظة من عمرك
اذا حبل الوصل ينقطع يا محبوب
قبل حبل الوصل ينقطع سباحي
تقبلوا تحياتي ...
