الله وياك قصيدة حلوة

انا ما اكدر اكلك لا تروح
روح الله وياك انا امتاني

بنفس درب الي مشيته انطر تعود
شجره انا ايصير انسه اغصاني

جرحك بروحي اشحلاته اشما يطول
اجرح بسجيني هاك الثاني

لكن احجاية ضمير اسمعها زين
صعبه حيل انساك لو تنساني

انت من طين البشر ربك بناك
وانه هم مثلك بشر سواني

لكن المقياس بالحب والوفاء
ومو نكر للذات لو تهواني

عمي ماريدك تحبني بلا يه روح
انا ما ريدك خشب سجاني


روح ومشي وعاين دروب الحياة
ومن ترد مفتوحه لك بيباني

انا طبعي من النهر ماخذ دروس
يعني استاذ بحظرتك اني

بس اسف بالمسحه من فلاحي طاح
كامت اتبوك بزرع بستاني

وانه ايدي امكطعه وناطوري مات
وليلي باع انجومه كلها وجاني


وانت جاي تريد تمشي بلا وداع
عمي روح اشضل بعد شتاني

هيه كلها اتراكمت ضلت عليك
كافي راح اسكت وخيط اللساني
منقول

موبس عجبتنه!!!!!!!!!!روعه
تحيتي لك ولذوق الرائع بالانتقاء
اشكرك وممنون اخت ملكه الاحساس
تقبلي مروري ,,,,,,,,
ابقه بين اضلوعي خنجر
ون جان ماترتاح افتر
كطع اشمتريد كطع
واخذ كلشي ولا ترجع
وبعثر بروحي
وانه خليني اجمع

عاشت الايادي
فعلا اسم على مسمى
شكرا لكي على القصيده الروعه يا ملكه
وتقبلي مني خالص الود والاحترام

شكرا الله يبارك بيكم نورتو الموضوع

الاخت ملكة الاحساس اختيار جميل وموفق دامك الله اختنا العزيزه تقبلي مروري وننتظر المزيد

شكرا اخي العزيز على المرور نورت الموضوع