ولك اشلون مات؟
هاي القصة:
الاول
اشلونك واشلون ابوك .... انشالله صار زين؟؟؟
الثاني
آني زين الحمدلله ... بس الوالد انطاك عمره
الاول
العمر الك آني اعرف بي قلب ... مو يالله الله يرحمه
الثاني
بس والله ما مات من القلب
الاول
لعد اشلون مات ؟؟؟؟
الثاني
الله ايرحمه بآخر ايامه ضعف نظره وطلع بالبالكون ومشاف الحافة و وگع وتعرف احنة بيتنا طابق ثالث
الاول
لالالا على هاي الموته ... بس هم الله يرحمه
الثاني
والله اتعذبنا بي هوايه ... سويناله عشر عمليات يالله اتحسن
الاول
لعد اشلون مات ؟؟؟؟؟
الثاني
صار يمشي على عكازة ... ومرة ديعبر الشارع و دعمته سيارة
الاول
لالالا ... الله يرحمه
الثاني
ربك رحيم ... مر من يمّه جيرانّه وحطّه بالسيارة و نقله للمستشفى بس النزيف الداخلي جان رهيب
الاول
الله ايرحمه بكل الاحوال
الثاني
بس سفّرنا لسبانيا وبقينا يمه ستة اشهر واتحسنت حالته
الاول
لعد اشلون مات راح اتخبل
الثاني
صار بي فشل كلوي حاد و ردنة واحد يتبرع ... ما لگينا وصار بي تسمم
الاول
يالله ارتاح ... الله ايرحمه
الثاني
بالصدفة اجه واحد ايعرفه من زمان و اتبرعله
الاول
متگلي اشلوووووووووووووون مات ؟؟؟؟؟
الثاني
گاعد بالبيت و الغاز مشعول و احترگ البيت
الاول
ايبااااااااااااخ اشلون موته رهيبة
الثاني
بس والله جارنا الله ايجازي بالخير ... كسر الباب و نقذه
الاول
متفهمني اشلون مات
الثاني
والله اضطرينا انضربه طلقة براسه يالله مات
منقول
اتمنى يعجبكم
