طبعآ يا اخواني و اخواتي هذه النكت التي كتبت لا تستهدف طائفة ولا تستهدف اي تعليق او تصنيف على اي شخص و و اي طائفة كتبت فقط للمزاح و الضحك و ارجو ان تنال اعجابكم
تحياتي
* ناصريه گل لمصلاوي: إش تتمنه؟ گال: يموت أبويه وأورثه؟؟ وإنته؟؟ گال: يندعم أبويه ويموت حته همينه الورث وهمينه الفصل.
* ناصرية أعمى، تبرعتله مرته بعينهه.. وره العملية گللهه: وفوگاهه عوره؟؟ گام طلگهه.
* ديچ مراهق مضوج دجاج المنطقه.. گالتله وحده: ماعندك أهل يربوك؟؟ گاللهه: لا والله تفقيس مكاين.
* مصلاوي مات ابوه حط لافته بالسوگ: يونس ينعى اباه ويصلح الساعات.
* چلب فقد الذاكره.. گام يكول: نَوْ نَوْ؟؟ لا.... بَوْبَوْ ؟؟ همينه لا.... يا الله نسيت شلون ينبحون.
* كردي هارب.. اشتره جواز مال واحد اسمه حسنين وبدل الصوره..بالسيطره سألوه شسمك؟؟ گال: إثنين حسن.
* ناصريه يوصي ولده: ما أوصيكم بالخباثه ويلادي ...الخباثه الخباثه.. ثم الخباثه. گالوله: ولايهمك... لمن مات ذبوا جثته بالزباله.
* واحد ناصريه أبوه مانطاه عيديه ... كتب عالباب: يعيش الزرقاوي.
* قصة أسلام أول هندوسي: مسلم زار هندوسي يباركله بالمولود الجديد.. سأله: ولد؟؟ گال:لا ... گال إذن بنيه... الهندوسي تعجب.... ورأسا أعلن إسلامه.
* كردي سأل شيخ عشيرة دليمي، گلله: إشكد عمرك إمحفوظ؟؟ گلله الشيخ:42.. گلله الكردي شلون صدفة.. نفس قياس الگيوه مالتي.
* أحول راد يكتل ذبانه.. كتل اللي بصفهه.
* كردي گللتله مرته: آني أحبك.. گللهه خللي علاقتنه صداقة بس.
* واحد گالوله: إبنك أجته طلقه تايهه.. گال: أصيل... أكيد راح يدلليهه.
* كردي گالوله الحفله تنكريه.. دز أخوه ابداله.
* واحد لوتي سألوه: امك حيه؟؟ گال لا عگربه گالوله: لأ.. يعني هيه عايشه؟؟ گال: لا خديجه گالوله: قصدنا عدله؟؟ گال: لعد قابل عوجه.
* عجوز اجه ابنهه نص الليل سكران..گالته: ماشاء الله !! متأخر؟؟ .. لا وچماله ريحة القمار مالتك واصله للسمه.
* احول سكر گام يشوف زين.
* احول سألوه منو تعجبك من نساء العرب؟؟ گال: حوله بنت الأزور.
* مصرية تعاركت ويه وحده بدويه.. گالتلهه.: غوري، گتك نيله.. گلتلهه: انا غوري يادلة الگهوه؟؟
دليمي راد يقلد كاظم الساهر نزل كاسيت رائحة القدمين.
* واحد گالوله: نحزرك حزوره وإذا عرفتهه ننطيك نص مليون.. گال: لعد والنص الثاني المن؟
* أحول راد يحج لمكة، ركب للبحرين.... وصلهه شافهه أربعة.
* دليمي گلله الطبيب: يوميه تمشي 10 كيلومترات... خابره وره شهرين گلله دكتور آني هسه بعرعر... أرجع لو أطلع گبل؟؟
* ناصريه صب لأبوه گهوه.. گلله ابوه: شخبار الخباثه؟؟ گلله: نص الدله ديتول.
* دليميه گالتلهه جيراننه: اني مسويه ميك أب.. گالتلهه: وأني مسويه شيخ محشي.
* طيار دليمي وگعت بيه الطيارة ... لمن لگوا الصندوك الاسود سمعوه يگول للمساعد: ماتفكلنه جامة الشباچ شوية من يمك ؟
* كردي دخل لمحل تجهيزات رياضية گلله كاكه ماعدكم احذية مال هجوم؟؟
* عجوز شافت جني گالت أعوذ بالله منك ومن شكلك.. گللهه: شلونج هسه انتي عاد؟؟
* كردي يشتغل بالتنقيب عن الآثار... ديحفر طلعتله طابوگه جمهوري... ركض للمدير يصيح: إستاد.. لگيت الدوشيش مال حمورابي؟
* وحده سمعت صوت بالليل گعدت رجلهه گللتله: گوم شوف يمكن حرامي.. گلهه ما تگومين انتي .. يجوز حراميه.
* واحد يحب وحده من طرف واحد، سنه كامله يتابعهه وهيه متدري، وره فتره شافهه ويه واحد گللهه: شوفي اللي بيناتنا تره كلله انتهى.
* كردي ديزين لحيته دگ التلفون .. كام شخط خده بالموس... گال ليهنا واصل.
* دليم اثنين ديلعبون شطرنج... كلما يموت جندي ينصبوله فاتحه 3 أيام.
* كصير تزوج كصيره جابوا قزم .. طهروه خلص.
* حواء گالت لآدم: تحبني؟؟ گلهه ليش هوه أكو غيرچ؟
* أقدملك نفسي:الأخضر الأبراهيمي... تشرفنا آني الأحمر الدوري.
* عتوي گل لبزونه: نااااو كللتله: نو.. نوت ناااااو.
* طبيب اطفال راح يخطب گالوله: چان كملت دراسه ؟
* كردي طلع گول عله فريقه.. كال أقربلي.
* قصة حقيقية أرسلها أحد الأصدقاء : فد واحد متعاجز حيل.. بالشته فات للمرافق يبول.. نزع البجامه چان يگول: مابية حيل.. رجع لبسها.
* تويوتا سألت فولگسواگن رگه: ليش عيونج طالعه ليگدام؟؟ گللتلهه: دخلي يخلون محرك
وراويني شلون ماتطلع عيونچ ليبره..
* قائد التحالف بلعمارة.. المحامده تلث تيام يوكلوه بس دهن حر.. آخر شي طگت روحه گلهم: مذهب الحگه كافي... شنو آني بولبرين؟؟
* واحد أخذه ابوه لفاتحه حته يعلمه الأصول.. سأل أبو الميت شلون مات؟؟ گال دعمته سياره؟؟ گلله: شجابه عالسياره؟ سجابه عليهه؟؟ وره فتره راح بوحده لفاتحه. سأل شلون مات گالوله موت الله.. كال شجابه على الله شجابه عليه؟
* كردي شغلوه بمخابرات علاوي.. دزوه للنجف گالوله أرصدلنا تحركات جماعة الصدر...راح للگراج وره شويه دزلهم إشارة: تره دفعوا الكروه گبل جماعة
* أمريكي صار وية جيش المهدي... كتب عالمدرعه مالته (ياهمر بني هاشم).
* بوش سأل كلينتون: شسوي وية الشيعة؟ گله: مثل ما سويت آني ويه مونيكا ..إلزم .
* الرجال للدكتور : دكتور مرتي تخونني بعلمي، وگرون ماجاي تطلعلي .. إحتمال يكون نقص كالسيوم؟
* أبو خالد سمع الناس تحچي بالإنتخابات.. گال: آني إذا ترشح علاوي أنتخبه.. لأنه (من وره) كل علاوي يجي كل الخير.
* الرئيس القائد الفلته.. مرة جمع القيادة.. گللهم: راح نسوي إنتخابات ، بس اللي يرشح نفسه لازم إسمه يبدأ بحرف صاد وينتهي بحرف ميم... گام عزت گال: آني سيدي.. گلله:شلون ولك إنته؟ گلله: سيدي مو إنته مرة من ردت احچي بالإجتماع گتلي: إنچب صرم.
* دليمي راكب بهليكوبتر... گال للكابتن: بروح أبوك ماتطفينه المروحه الفوگ.. تراهه بردت شويه.
* كردي سمع إنه أهل الفلوجه مسويلهم چم عمليه.. گال: شنو يعني؟؟ صباح اللبنانيه وحدهه مسويه عمليات أكثر منهم.
* واحد راح يشتري دوه لأبوه من الصيدلية، رجع لگاه ميت، گال: شوف السخيف.
* بدوي بأمريكا شاف بعير گال: يمه شنو هالوحش !! التفت له البعير وگلله: علينا يا گطران؟
* دليمي هوه ومرته إجه يمهم صاروخ، صاح بمرته: إنبطحي ولچ!! گالتله: هوه هسه وكتهه؟
* لبناني تعرف على وحده صينيه، گاللها: شو إسمك؟؟ گالت: مي ـ شان ـ شو.. گال: ميشان نتعرف.
* ابو بريص سكران يگل لصاحبه: والله لوما الشرب والنسوان جان هسة اني باقي تمساح.
* شايب عمره 90 سنة، اتزوج بنية عمرهه 15 سنة ، بليلة الدخلة سألها: بابه انتي تعرفين شيسوون من يتزوجون؟؟ گالت له: لع، راح ليغاد .. صفن.. گام يحچي ويه نفسه: هاي اشلون ورطة؟؟ البنية متعرف وآني نسيت!!
* سألوا دليمي: انته اتدخن ؟؟؟ گلهم: والله من امشي ما اباوع ورايه.
* كردي لگه كنز.. گال: بقت بس الخريطه.
* محشش خابر الشرطة، گاللهم: انباگ الدشبول والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي.
* كردي سمع انه الجزر يقوي النظر.. راح اشتره گونية جزر وگعد يتباوع عليهه.
* واحد گال للبگال: عندك سكر؟؟ گال: نعم.. گال: الحگ ..الصليب الاحمر جايبيلكم خوش ادويه.
* محشش فتح الثلاجه شاف الجلي يرجف گلله: لا تخاف ما آكلك.. جيت اشرب مي بس.
* مصري اشتغل حمله دار .. گال للحجاج: إزا شديتوا حيلكو معايه نرگع أبل العيد بإزن الله.
واحد من سوگ مريدي... إشتره حليب طلع إكسباير... گام زور التاريخ مالته وشربه.
* وحده رجلهه بالخارج.. خابرته گللتله: إشتريت سياره شبح.. گلهه: إبشرفچ؟؟ گللتله: لا لعد بالورقه مالتك اللي تدزلياهه كل تلث تشهر؟
* شروگي الله رزقه بعماره.... إشتغل بيهه حارس.
* طسه بشارع بالسليمانية..... كاتبين وراهه : أنتبه !! ورائك مطب.
* جرادة سكرت......... إكلت الأخضر واليابس.
* جرادة انعمت عمى ألوان ...... أكلت الأحمر واليابس.
* واحد لابس جواريب خضر... لأن خضر لبس جواريبه.
* عجوز شافت مراية مشموره بالشارع.. شالتهه وتباوعت بيهه.. گالت: آها.. أگول ليش ذابيهه.
* كردي دخل فندق خمس نجوم، راد يروح للتواليت.. شاور الموظفه: وين التواليت رجاءاً؟.. گالتله :اها.. التواليت؟.. إسأل بالجهه الثانيه، راح إلها من اذانها الثانيه وشاورها: العفو.. وين التواليت رجاءا؟
* كردي لازم فردة حذاء ويعامل أبو المحل: كاكا بيش هاي الحذاء؟ كال له: بسبعتالاف.. كال له: زين واذا اخذنا الفردتين متنزللنه شويه من السعر؟
* كردي شاف واحد غرگان ويصيح: ياناس ياعالم ما أعرف أسبح.. گال له: عبالك بالصياح تگدر تتعلم سباحه؟ لا بابه لا..عافه وراح.
* كردي دعمته سياره، سأله المحقق(هم كردي )شگد رقمهه؟ گال: 2499 گال له المحقق: أها.. يعني گول 2500
* كردي گال لابو الصيدليه: أريد فد مرهم لابني الزغير.. الصيدلي گال له: واني اشتم گفه إيدي؟ غير تگوللي شسمه؟.. كال له: اها… خادمك آزاد.
* دليمي سأله صاحبه: مالگيتلك مصري يساعدك؟ گال له: والله لگيت سوداني شغلته مصري عندي.
* طلي زغير يسأل أمه: مااااا.. وين بااااا؟ گالتله: باااااا مباااااااع
* واحد گعد يندعي بليلة القدر راد يگول: ياإلهي.. متسويني مثل إبن (خربيط) .. بالغلط گال ياإلهي متسويني مثل إبن (خريـبط).. گعد الصبح لگه بباب البيت عربانه أم الزمال.
* حشاش گال لبو التكسي: توديني وين؟ وادفعلك شگد؟.. أبو التكسي هم محشش.. گال له أنزل هنا وإدفع شگد ما يعجبك.
* واحد مصادقله مصري.. گال له: تدري الحياة كلهه مآسي ؟ المصري گال له: ليه..هوه مآسك كام؟
* دليمي عنده بواسير.. راح للدكتور ..گال له: دكتور مروتك..أريدك تحط كل خبرتك
* عجايز تلاثه رادن يتزوجن.. كتبن إعلان (تزوج واحده.. وأحصل على إثنتين مجانا).
* واحد (مخنث) قدم على كلية الشرطه .. گالوله بأي قسم تريد؟ گال: قسم (الأعيره الناريه).
* صرصر مرته زعلت وراحت يم أهلهه.. راح يصالحه گالتله: ما أرجع إلا تسجل البلوعه بأسمي.
* بطل بيبسي يبچي.. يگول: ليش السفن أبيض مني؟
* دليمي كل مرة يطبگ باب الثلاجه على كيف .. گالوله ليش؟.. گال: أريد أعرف منو يطفي الضوه جوه؟
* واحد راح للطبيب گال له: دكتور عندي حالة نسيان شديد.. گال له الطبيب : ومن إشوكت عندك هذي الحاله؟ .. گال له: ياحاله دكتور؟
* دليم تلاثه أخذوا مقـاولة مد الكيبل الضوئي من بغداد للرمادي وقسموا العمل بيناتهم واحد يحفر وواحد يمد الكيبل والثالث يدفن..غاب اللي عليه شغلة مد الكيبل.. الجماعه إستمروا واحد يحفر وواحد يدفن.
* گالوا لسعدي الحلي: منو أشعر شعراء العرب برأيك؟ گال : بدون تردد... الخمســـــــــاء.
* واحد گال للحلاق: تره صارلي ساعتين هنا، الحلاق كردي ..گال له: شنو يعني؟ اني صارلي سنتين ها.
* وحدة سمينه حيل، أشّرت لأبو الربل(عربانة أم الحصان)، گال لهه: يلله اصعدي بسرعه لا يشوفچ الحصان.
* احول دخل بالجيش ... حطوه بقسم القصف العشوائي.
* تاجر مصلاوي شاف روحه يوزع فلوس بالحلم، صحه من النوم گال التوبه إذا أنام بعد.
* واحد متدين بالجديد أتصل على الأم بي سي گالوا له: شتحب تسمع؟ گال مقطع من اذان المغرب بصوت مايكل جاكسون .
* واحد غبي تزوج وحده اغبى منه، صار عدهم ولد .. يلعبوه يگولوله: أغغغغغ ... يگلهم: هاه؟؟
* كردي گام يطفي الضوه لگاه محروگ.
* شيخ عشيره حچه نكته... واحد كردي من الگاعدين بالمضيف عجبتة النكتة وضحك .. وگال :إمحفوظ على هالنكته.
* بدوى اول مرة يشوف فلبيني گال: هنياله شبعان نوم.
* وحده تعرفت على كردي سألته: شسمك گالها: إسمي يبدأ بحرف الزاء گالتله: أكيد زهير گالها : لا گالتله: زكي گالها : لا گالتله: لعد زامل گالها : لا.... (زافــر).
* واحد ناصرية سمع أكو مجاعة بأفريقيه ،گام دگ رقم لاعلى التعيين بالصومال، وتدريع وسد السماعة .
* دليمي عمره 8 سنوات يسوق سيارة ، سالوه منينلك؟ گال: كتبت لأبويه ويه القرطاسيه مقطاطه أم السياره، جابليّاهه ويه المقطاطة.
* واحد گال لخطيبته: إشچانوا يدلعوچ وانتي زغيرة؟ گالتله: ميمي ... وانته؟ گاللهه: ابو خنـّينه.
* كردي ضيع مفتاح سيارته اجوي الناس يساعدوه، فتحوله باب السياره بالدرنفيس، گام سوه نسخة من الدرنفيس.
* دكتور كسور وعظام كلما يطلع بالليل تلحگه الچلاب.
* واحد ناصريه سكن بالنجف، يوميه يإخذ المسجل مالته ويروح للمگبره، يفتر بين الگبور إمعلـّي صوت المسجل على اغنية (الحياة حلوة).
* مصلاوي سأل مرتة إشطابختلنهة اليوم؟ گالت باگلله ودهن، گاللها حــــيل!! طبختين بفد وجبه؟
* ديچ تحارش بدجاجه، ردت عليه بخشونه، گاللهه وعلى شنو إمتنگه؟ ذنيچ الدجاجات مصلخات بالمطاعم ومحد بحالهن.
* الكراد سووا مظاهرة تضامن مع الفلسطينيين.......... لبّسوا واحد منهم شارون، وحرگوه.
* واحد راح للصين فلمن رجع فتح گهوه سماهه:Fin-Jan-Chai
* واحد حب يتذكر ايام الطفوله... بال على نفسه.
* مصلاوي مات ابوه... گلله المغسلچي انطيني 1000 دينار مال الغسل. گال: إشدعوه؟؟ قابل مغسل بي أم ؟
* واحد توّه گايم يصلي، راح للحسينية گاموا يتفيكون براسه واحد يگلله دنّي تربتك عليمنه واحد يگلله شويه عاليسره الى ان طگت روحه.. گاللهم: اگلكم.. تره هسه أبطل .. هيه صلاة لو ضربة جزاء؟
* أكو فد گمل وگملايه ستوهم متزوجين گاللهه: وين تحبين تگضين شهر العسل؟؟ گالتله: يمدحون بشعر هيفاء وهبي.
* وحده تگل لزوجها: جيراننا كل ما يطلع يبوس مرته، ليش ما تسوي مثله؟ گللهه: تعتقديهه توافق؟؟
* مصلاوي واگف بالبلكونة... إبنه إجه من بعيد يصيح: بابا بابا بابا بابا... گاله: ولك .. ابن بابه وحده كافي.
* مصلاوي مات... لگوا بوصيته مكتوب ( آني غاسل.. لا تغسّلوني ).
* تلاثه من الناصريه رادوا يبوگون بنگ، فقسموهه بيناتهم: واحد يبوگ و واحد يراقب ........ وواحد يروح يبلغ الشرطة.
