بطاقات حب .. لشاعر المبدع زين العابدين محمد العزيز

لان واهس جمالك مثل الاطفال
من اتمر عيلينه اتغار الورود
ولان شايل شفايف تشبه النار
بطلنه بعد مانحمل خدود
#### #### #####
زعلان الورد مامر فجر بيه
وقض طول الوقت يحسد جمالك
موجوده الشمس بس فاقده النور
اجه شارد ضواهه وعتنالك
ماريدن اكلك انه اهواك
وتعيشني عله سولافة دلالك
بس رايد ابوسن عيني لحظات
جي مره بحلم شافت خيالك
#### #### ####
عله كد البعد راح ارسم عيون
وعله كد ما احبك راح ارسمك
وسمك راح اكتبه بحبر الهموم
حتى اتعب صدق من اذكر اسمك
وراح ارسم شفافك وين ما جان
حتى بكل برود بساع اشمك
##### #### #####
اول مشاركه لي مني لكم اول بطاقات حب للشاعر المبدع زين العابدين محمد العزيزوتمنى ان اصل الي لغه عيون العشقين كي ارسم فرحة الحب الورديه


زينه الفراتي

سلم لنا ذوقك الرائع بالانتقاء
قصيدة جميله جدا اخت زينه ,,,,,,,,,,
تحياتي لك (ومية هله ) منوره
ننتظر منك المزيد

اخي محمد السوداني انا مشكوره لك

الدموع التي لاتترك اثر ليست بدموع

انت الاروك يا ملكه الاحساس الجميل شكرا للمرورك الشفاف

شكرا حبيبتي على هاي الكلمات الحلوه
ونورتي المنتدى بوجودك واتمنى تعرفينه عنك بموضوع بطاقه شخصيه لكل شخص
بمنتدى العام
تحياتي

الله عليج يا زينه يا مبدعه

ننتظر المزيد من الابداع

وتقبلي مني خالص الود والتقدير