قصيدة كلش حلوة بعنوان (ما اريد فيزا)

:66 (46):موضوع: قصيدة كلش حلوة بعنوان ( بعد ماريد فيزا ) http://illiweb.com/fa/subsilver/icon_miniposted.gifالجمعة يونيو 27, 2008 12:40 amhttp://hitskin.com/themes/10/02/32/i_icon_quote.gif http://illiweb.com/fa/subsilver/icon_report.gif http://illiweb.com/fa/subsilver/icon_lock_report.gif

بعد ما ريد فيزه ولا لجوء انـــــسان
عمت عين الاقامه الدنست صـــــيتي

واشكر كل صديق وكل خوي وكل جار
قــــفل بابه ورفض يـــــقبل عراقيتي

خلف الله عليكم والوكــــــــــت دولاب
لا بد يوم يـــــــــــنزل بيكم ارضيتي

لان اول امس كل البشر خــــــــــدام
جانوا للـــــــــــــــعراق واكلوا ابيتي

جان الضيف عندي مكرم ومهــــيوب
فوگ الراس اشــــــيله وهاي تربيتي

ما داعي اسولف وانه ابو النــــهرين
ياهو الــما سمع اخــــــــــبار حنيتي

بعد بصــــــمات اديهم والطبع موجود
من جانوا جياع بوســط صيـــــنيتي

يـــــا دنــيه حرام ومــنكر ومــــكروه
اذا ابــــن الــــــعراق الــــيوم وطيتي

معـــقوله نسيتي اسم الـــعراق بساع
لــــــو مثل الــــبشر همّن تــــناسيتي

مــيفيد الحچي ولا تـــنفع الـچـلـمات
راجـع يـا وطـن لـترابــك الزيـــــتي

راجـــع يــا حـبـيبة گــلبي يــا بغداد
وادرى بكـــثر ما ونـــيت ونيـــتي

وادري لوحّدج عفناج صار سنين
وادرى من الحزن تابوت سويتي

جيب الاغتراب وحـــطه بالـــتابوت
يا غربه الـــــــــــعراق شكثر اذيتي

ما اعيــش ابّحر مالح طـــعم يا ناس
انه بسجن الـــــفرات وفقط حريتي

وترابي ذهـــب والگاع من ياقــوت
ومن ثوب الكرامه البسهه بيريتي

واذا گالوا لترجع والوضع مو زين
اگول اني الوضع والزين تاليــــتي

وميهمني بعد ليصير خلي يصير
طعم الموت اشرف من هجر بيتي

اموت بوسط خوتي ويا حلاة الموت
من اجمع اهلــــــنه واكتب وصيتي

وصيتي لو متت لتچفنوني چفان
لفوني بعلمنه وهاي امـــــــنيتي

واذا تردون اليه بهالگبر ارتاح
امانة الله دفنوا وياي جنسيتي
امانة الله دفنوا وياي جنسيتي

_________________
http://i41.servimg.com/u/f41/11/71/94/57/uvs07011.jpg

http://i41.servimg.com/u/f41/11/71/94/57/wakih10.jpg

الاخت ساره مشكوره قصيده رائعه للشاعر المبدع foraten.net/?foraten.net/?foraten.net/?foraten.net/? محمد هندي تحياتي على النقل

شكر وتقدير واحترام ودعاء بالموفقيه

الله الله الله الله الله
شكرا شكرا شكرا
شكد حلوه هذه القصيده
شكرا وشكرا