قصيده في استشهاد الامام الكاظم ع

بسم الله الرحمن الرحيم
*****************

استشهاد الامام الكاظم (ع)

***************************

اجري العبره بهذا اليوم -------------لاجل الامام المظلوم
دمعك ساجم ------------------------ اه يالكاظم
**** **** ****** ********
دمعة الم عاخد يشيعي اذريهه
بيهه الزجيه تعازي وتواسيهه
الكاظم ابنهه وهالخطب ياذيهه
وهيه المصيبه الفاجعه تدريهه
بهذا المصاب اللي صار-----------جرح الكلب يلهب نار
نصرخ لازم ---------------------- اه يالكاظم
***** ****** ******* ********
من المدينه بليل الاظلم جابوه
شاف شكثر ضيم وابد ماراعوه
اشكد الم وسفه الحواقد راووه
تالي بسجن مظلم رميه وخلوه
ياسيدي مدري شلون--------------بسجن الحواقد مدفون
الله العالم--------------------------اه يالكاظم
***** ****** ****** **********
صبرك يابن جعفر فلا مثله صار
ومارحمتك وسفه الطغاة الاشرار
بيك اشكثر وسفه الزمن جار ودار
ونته النبي جدك وبوك الكرار
صبرك ينبع الاطياب-----------لو عالجبل حتمآ ذاب
يابو القاسم----------------------اه يالكاظم
***** ****** ****** ********
سجنك تحدي وعنفوان وثوره
واعظم درس سجلته يابن العتره
رغم الذي صار وعليك ويجره
سجانك لصبرك طلع من صبره
بالسجن ماهبت الموت---------وتتحده اكبر طاغوت
ذكرك دايم ------------------اه يالكاظم
****** ****** ***** *********
منك فلا نالو وابد ماكدروك
شامخ جبل اهل الظلم من شافوك
عدهم سجيه وبالغدر هل جازوك
ظلمآ اخيرا وبحقدهم سموك
رغم الجره وصار وياك--------شامخ تظل رغم اعداك
ويخسه الظالم--------------اه يالكاظم
**************************************************
ونسالكم الدعاء
شاكر الشمري

سلام الله عليك مولاي الكاظم (ع)
قصيدة رائعه صح السانك وعاشت ايدك اللهم يجعلها في ميزان اعمالك
تحياتي الك اخي العزيزالشاعر شاكر الشمري
تقبل مروري,,,,,,,,,,
ننتظر جديدكم لاتبخلو علينا
مع احترامي وتقديري

اللهم صلي على محمد وآل محمد وعجل فرجهم وفرجنا بهم

السلام عليك ياراهب اهل البيت انالنا الله شفاعتك واهل بيتك وعظم الله لنا الاجر باستشهاده



كل التقدير والشكر لك اخي شاكر الشمري قصــيدة رائعة

ولعــن الله ظالمي آل محمد من الاولين والآخرين

تقبل مروري

قصيده روووعه اخ شاكر الشمري

تحياتي

الاخ الفاضل محمد السوداني
مرورك وسام شرف اعلقه على صدري
لك من خالص التحايا والود

الاخت ام فيصل المحترمه
اسعدني وابهجني مرورك الكريم
اختي الفاضله وجعلنا واياك من شفعاء
الامام موسى الكاظم ع

ممنون اخي الكريم حيدر
على مرورك الطيب لك مني
خالص الود

يسلم ذوقك وينطيك العافيه على هاي الكلمات المعبره
تقبل مروري
تحياتي