ما هو الفرق بين العراق واليابان؟؟؟

يابة اليوم انشوف الفرق بين العراق واليابان
علمود تعرفون ماكو اي فرق



1- سرعة القطارات باليابان اسرع شي 400 كم بالساعة بينما بالعراق سرعة الشضية لمن تنفجر المفخخة تقريبا 420 كم بالساعة

2- اليابان ما تنطفي عدهم الوطني و احنا هم ما تطفة لأن اصلا ما تجي و اذا جتي معناها اكو مشكلة بالكهرباء

3- اليابان كصار لان الله خلقهم هيج و احنا من الضيم و القهر فوك روسنا و الحمل الثكيل و المشاكل هم راح نكصر مثلهم

4- اليابان و العراق عدهم فوانيس و لالات بس اليابان حاطتهن بال( متحف الطبيعة المعابد التاريخية تستعملها عند تصوير الافلام التاريخية) اما في العراق ف حاطهيا ( بالهول بالمطبخ بالخطار) ولج تعااي امليها نفط ترة وشلللت

5- اليابان عدهم مساحات جوة الكاع جبيرة( مدن مصانع شوارع قطارات ) بينما العراق العظيم هم بي مدن جوة الكاع( حفر مال هاونات انفجار مال عبوات تصليحات و حفر مال بلدية و من يخلصون ينسون ايطمرون التراب )

6- اليابان اتصير عدهم زلازل و البيوت توكع و العراق هم توكع البيوت عبوات مفخخات قنينة الغاز اطك شي

7- اليابان عدهم ناطحات سحاب العراق عدنا ناطحات نخل( اعلة بناية 4 طوابق عدنا) بس هم ثنيناتها ناطحات

8- اليابان شعارهم الشمس و العراق هم ما اتغيب الشمس عنا لان صيفنا 17 شهر و الشمس 24 ساعة تسمط سمط ف هم شعارنا ممكن نعتبرة الشمس

9- اليابان احتفلو ب رفع اخر ترفكلايت لان عدهم شبكة طرق و مواصلات و جسور و تخطيط بناء خرافي خلاهم يستغنون عن الترفكلايت بينما بالعراق هم راح تنشال الترفكلايتات اولا محد يلتزم (بس ابو اسماعيل يفتح حلكة كبل مسدس و طلقتين عليه خطية) ثانيا اصلا ماكو كهرباء حتة المحروسة الترفكلايت تشتغل

10- اليابان عدهم جبال عالية من حجر بينما بالعراق هم نفس اليابان عدنا جبال عالية و نفس الشي بس مو من حجر,,, من جياسة و مزابل و كشور مال نارنج

11- اليابان ما عدهم بانزين (خطيييية!!!) لان ديمشون سياراتهم بالطاقة الشمسية و المي بلي اكو هسة سيارات تمشي عال مي بينما بالعراق ماكو بانزين لانه العالم اصلا مدا تطلع و البانزين سرة منا للصين و سوق سودة مزرف مال جيب البنطرون الورة بس النتيجة انه بالعراق و اليابان ماكو بانزين

12- اليابان انشمرت عليهم قنابل( 1945) العراق هم انشمرت عليه قنابل (1980-1988) 1991 1996 1998 2003 و فوك

13- اليابان مرات تمشي اتشوف الشارع فاارغ لانه الناس كلها بالمدن اللي جوة الكاع لان همةهواية(مثل نمل عال كليجة) لهذا اتشوفون شوارعهم البرة فارغة بينما بالعراق الشوارع هم فارغة لان منع تجول

14- الياباني اذا اتواعد وية صاحبة بال 6 يجي بال 6 ضبططط بينما العراق اذا اتواعد وية صاحبة بال 6 يجي بال 6 ضبطططط بس سنة الجاية (يلله نفس الشي)

15- نسبة الامية باليابان نفس نسبة الامية بالعراق( الامية باليابان ما يعرف يستعمل النت بينما عدنا اللي ميعرف يقرة و يكتب)



هاي بعد الي كيلكم اكو فرق كولولة انت اكبر جذاب وهنبلجي هع هع هع
تحياتي:2:

شكرا على الموضوع الحلو

تحياتي

شكرا العراق افضل من اليابان بشي واحد بس وهو الدين

اقتباس:

---

المشاركة الأصلية كتبت بواسطة ابو اماني كريم الحجامي

ههههههههههههههههه

ماكو فرق هههههههههه

نفش الشي

تحياتي الك يالغالي

---

حبيبي الغالي ابو امونة
نورت وعطرت الموضوع بمرورك الجميل
يا هلا بالوردة:1:

اقتباس:

---

المشاركة الأصلية كتبت بواسطة (العراقي)

شكرا على الموضوع الحلو

تحياتي

---

يا هلا بيك اخوية
نورتنا بمرورك المتواضع
تحياتي

هاي حلوه والله
ممنون حبيبي

كلش حلو
ممنون علىالموضوع الرائع تحياتي