_اللــــــــــــــه ياهالـــوطــن )

تحيـاتي اخواني لكم ولكل عراقي شريف -- وصبور -- وراعي غيره



اللـه يـاهالـوطن شمسوي بيـّه اللــه


نـارك تشــب ْ بالــروح وي ونــّة الآه ,,,



اللـه يـاهالــوطن يل عل هـدب غـافي


وتـيــهة ويــه الحلــم لــو من عنــدي تـــاه


اللــه يـاهالـوطن شمعــه بظــلام الليــل


ونجــم سهيــل لـو ظلــّم سـواد الكــون وســماه


الله ياهالوطن يادمعة عالخدين محتـاره


تطيـح ابخجل وبخوف ,, ضـاكت زمهــرير الــزمـن وشــتاه


يبــو كــلب الحنــين المـاعـرف يحقــد


يلِّم كـل البشــر عنـده وكلمـن يــدك بــابــه وإجــاه


يلــتطعـم الجــوعان من خيــرك


مانشــفن سنــابل حنطــتك وتــدوّر اويــه الـزمن رحــــّة رحــاه


اللــه ياهالــوطن يلفــزعتك فــزعــة


ويســيف بإيــد كــل مـظلــوم ينـــخاه

محــروس ياهالــوطن يلشارتك شــاره


ومحروسـه كـل ذرَّة تراب ومــاي وانهــاره


محــروس من زاخـو , وكَــلي ,, ولعـد بصـرة الـفيحــة ,

والهـور وي ســاوه


محــروس يـادمعــة كـل يتــيم ,, ويضـمـاد النشـدَّه وبيه

نـتـــداوه



إصــرخ ,,, إصــرخ وهـــِد الكــون كــلَّه


خلــي يكــوملـك حيــدر علــي وبــإيده بتـــاره


إصـــرخ لاتــخجــل يبــو الكــلفات


يلشــارتـك لــَـعِد كـل الـذي يــاذيــك عثــاره


يـاوطــن ياخبــزة الجــوعان

ويــابيت اللـيلمــنــه ويلـــِم جيــرانه


يلبيــدك تـضـَمــد جــروح

وتمســح بيــهه لــو تنــزل دمعــه حيــرانه


آه , يــاوطـن ماملـيــنه الســوالف بيــك


لــو مــل ْ البشــر بســوالف اوطــانه


انتــزامـط بيــك للــدوم ونحجــي بيــك

يبــو الأدب والمعــرفة ,, ويـمعلــِّـم الــوادم اســرار الحضـــارة





مـــع تحيـــــــات / أم فيــصـــــــــــل

ميـــّة هلــه بيك أخي العزيز وبمـــرورك ابــو أمــاني

لا أخي العزيز آنه اكتب الشعر الشعبي والعام والخواطر من عمري 13 سنه

وعندي مشاركات في منتدى ثاني

كل الشكــر للتعليق واتمنه ان أنــال رضــاكم / كل التقدير لك

ميــّة هلـــه بيــك عزيزي أبــو أمانــي وجزيل الشكر على مرورك الذي شــرَّف صفحتي

القصيدة ليست منقولة -- وانه اكتب الشعر الشعبي والعام والخواطر من عمري 13 سنه

وعندي مشاركات في منتدى ثاني

ارجو ان تنال كتاباتي اعجابكم / دمتم لي

الله ياام فيصل قصيده رائعه تحمل من المعاني الجميله والحب والشجن ننتظر جديدك بارك الله بيچ

حب الــوطن اسمى معاني الحب

اخي الروماني يشرفني حضورك -- نحن بكم نتألق


شكري الجزيل للمرور

اخي العزيز كريم الحجامي كل التقدير للمرور


القصيدة من ضمن كتاباتي وليست منقوله

انا أكتب الشعر الشعبي والعام والخواطر من عمــر 13 سنة

و ولي مشاركات في منتدى ثاني

ا اتمنى ان اكون عند حسن ظنكم -- دمت لي اخي

رارائع اختي ام فيصل جميل جداااا

تتجمــل صفحتي بمروركم أخي العزيز تلميذ الأحزان

جزيل شكري لتواجدك وحضورك / دمت أخي