قنبله البوذيات

حبيبي الدهر بجفاكم بلانه
قدر مـكتـوب من الله بلانـه
شـلون تنام يالغالي بلانه؟
وماتحن لصدري وضـمة ايديـه

دوني يصير ياهو الچان دوني
وهو نفسه تعرفه شكثر دوني
انا الما تقبل الكلفات دوني
شعل ي بنذل يحجي عليه
::::::::******:::::::



أأمرني ولبيلك عسلبيك
وعساهن بيه يلتمن عس البيك
حنظل لو ضكت خدي عسل بيك
وضحكتك للنحل وصفه شهيه

كم مره يزعل مني واراضي
ويدلل على گليبي واراضي
مابقت عندي املاك واراضي
بعت حتى هدومي العـليـه

عسل وبحلگي وكتي مرجعلكم
ومرجعكم الگلبي ومرجعلكم
چنت أية بهواكم مرجعلكم
خذيتو منين فتوة وخنتو بية

صديقك لو غلط وياك عتباه
وجدمك لا يدوس لباب عتباه
اذا مرة زعل وياك عتباه

لان زعل الاخو موهين علية
ارجو من الاخو الجواب على هذا البيت
تدري أشكد الك كلبي ولع ضام
أزغار أجروحي يهونك والعظام
أموتن وأندفن وأعتك والعظام
تحضرلك زحف لو صحت بية
ا
حبك واليحب روحة نحلهة
العكدة ننظربحلهة ونحلهة
اذامشكلة حبنة مانحلهة
ولك خلص صبري ودشوف صار بية

روحي من الصبر ملت وعدهه
على ظهورك يبو صالح وعدهه
ليالي الشوك احسبهه وعدهه

بليهب الشوك نتجوه سويه
حسافه احبابي ظالم علي ولات
حكمني بحكم عاد وهبل ولات
الدنيا دار البخل والمال ولات
ولا دار الفناهه من اجت هيه

حسافه العمر دونك يا هوانه
يا عشكنه يا حجينه يا هوانه
دخيل الله انته كلي ياهوانه
وهويتك ليش وشجابك عليه
::::::::::::::::::::

الك حن الگلب يسمر والك مال
وذاب الگلب من هجرك والك مال
ولاني ناجح بحبك ولااكمال
ولاراسب واگلك حيل بيه



::::::::::::::::::::
كافي جفة يحبابي بس عـــــــــــاد
ودعي من رب العرش ايامكم بسعاد
عهدآ عليه اذا الغالي بس عــــــــاد
احني جفوفي ودوس المنيــــــــه
:::::::::::::::::::


اريد اسير نهار بصيف خيال
وعلى ام ظهر الوسيع وشعر خيال
يجم مهره تبات بغير خيال
ويجم خيال راكبله رديه


أظل ابرى لعد طوله ملاله
ومن مثلي بكؤوس الحب ملاله
الصدگ ياناس ماني تركت ولفي ملاله
جنه ذنبه ووجب تركه عليه

منسل تعال انظر شعر خلي منسل
ودمع عيني فلابطل من السيل
شكوشصعب مرض يسمر من السل
سرى بعضاي من فرگك اليه


تبسومبرخص ثمن ساموني تبسوم
وأرى ثغرك على حالي تبسوم
اجروحك ما كفن كلهن نبسم
يمزق مهجتي بيهن منيه


ولاون حادي البل حدب البل ولاون
حداهم مادريت المن ولاوين
احه مااكول من جرحي ولاون
لان دواي عند شمات اليه


ولو لاك انا معرفت تاليك ولو لاك
وعس لاسلطك ربك ولا ولاك
يظالم اوجرت بي ولو لاك
ضعف الحال مابين عليه

ابوذيات جميله
تسلم ايدك على النقل الجميله
انت فنان حتى في اختيار الابوذيات
تحياتي الك

الله يخليكم يعطيكم العافيه على الردود الجميل هاذا كلا من فضلكم