احلى الابوذيات

:66 (6):
:66 (6):دكاكين الصبر صدك عزلنه
وكتبنه بقطعة غيابك عزلنه
مثل عزل الطماطه احنه عزلنه
وعزلتك واجهه ميه بالميه


سجاجين الوكت بحشاي بردان
حزني وصرت بالصيف بردان
صرت مجبور اشد اردان بردان
ولا امد للشماته اجفوف ايديه


جرحك مابره ولادار حوله
بدليلي ومن بديت الشرك حوله
الوكت ينظر عليه بعين حوله
سلب روحي وطلع مشتبه بيه


اليالي اشتركن بهجرك وسهمين
وكبل جان الدمع جامد وسهمين
جمرتين بوسط جبدي وسهمين
عفاني اشون شايلهن سويا

اسلم ماترد مالك عسلماي
وبيك ايدير من هجرك عسل ماي
اسالك ع اللوى اشفافك عسل ماي
حليب ودرته شفافك عليـــــه

يا روحي التحبينه ولج مات
شبعتي جروح من حبه ولجمات
ما مات الگلب بس لاجلج ولج مات
شهيد ويحق لطمج عليه

يهل تنشد على حالي تراني
بسجن يهواي من بعدك تراني
شمس ما اشوف بالدنيا وتراني
مغيمة وكل وكت تمطر عليه

وحگ من نزل الكوثر والايات
راحت روحي بخلافك ولا يات
فاضت دول بدموعي و ولايات
وافيض كون اذا ما تمر عليه

أحبج حب ملا كلبي وســــني
ليالي الشوك ابرديني وسني
صارت معركة شيعي وســــني
وتالي المعركة نرجع سـوية

ساعه سمسم هواكم ساعه فلفل
وساعه اشد بحبل وصلك وساعه افل فل
وساعه اركض من ذكر اسمك وافل فل
وساعه رد زحوف بثنين اديه
:66 (6):
الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

:66 (6)::66 (6)::66 (6)::66 (6)::66 (6)::66 (6)::66 (6)::66 (6)::66 (6)::66 (6):

يسلموووو اختي العزيزة على هذة البوذيات الروعة وانشااء الله ايوفقج والسير الدائم الى نهج الائمة الاطهار اخوج عبدالله الساعدي