اريد ارجع انا لبغداد و النار اللي بكلبي بشوفتها اطفيها
اريد ارجع انا لبغداد و اشم ترابها و جفوفي احنيها
تعبنا هواية البعاد و نار الغربة لارواحنا تجويها
اريد ارجع انا لبغداد محلتنة القديمة ومدرستي اللي تعلمت بيها
اريد ارجع انا لبغداد وكل همومي على دجلة اشكيها
اريد ارجع انا لبغداد واصلي ركعة بالنعمان ..والثانية بالكاظم اصليها
ولو وكفة على الجسر ولو مشية بشوارعها امشيها
اريد ارجع انا لبغداد و افك قيودها..وتضل حرة اخليها
لا تصدك ابن غير بلاد الة غيرة على بغداد و يحميها
اريد ارجع انا لبغداد و اموت و اندفن بيها
تحياتي للمغتربين ونشاله ايرجعون بكل امان
