قبل الغرام وقبل ما

http://www.alsaqr.com@ كلمة ممنوعة @...images/bsm.gif

السلام عليكم ورحمــــهـ الله وبركـــاته .....
///

///
قبل الغرام وقبل ما أصير .. مغليك
أعاهدك ما أقول : غير ..( آمر وسمْ )

حتى لو إنك قلت : برحل .. وأخليك
بقول لك : تأمر على ما تبي .. تمْ

رايح أكون إنسان .. يفهم مباديك
أشاركك بالضحك .. والحزن .. والهمْ

مهتم بكْ .. وأغلي بعد من .. يخاويك
ومن لا يهمك ماني ب فيه .. مهتمْ

بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ

وإنْ جاك نوم .. رموش عيني .. تغطيك
غمض عيونك وسط عيني وثم .. نمْ

وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!

أبيك تسرقني .. لروعة مراسيك
وأموت بك موتة غريق ٍ .. وسط يمْ

أبيك تدرك يوم أنا جيت أماشيك
قصدي تكون أقرب من .. الخال والعمْ

قصدي تبعثرني .. اليا مر طاريك
وأحنْ لك .. وأجيك .. ملهوف ل اللمْ

قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ

أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ

لكن ..!! لو إنك قلت : برحل وأخليك!!
بقول لك أبشر .. على ما تبي .. تمْ

اتمنى تعجبكــــــــم ......

العزيز ابو ليلى 00
شعر نبطي جميل جدا 000
وانك رائع بكل ماتكتب00
تقبل مروري وتحياتي 00
اخوك الصكر00

شكا على المرور الطيب ابو علي


دمت بخير

فعلا رائعة تسلم ايدك

ننتظر جديدك