عليك اتعلمت

تمر مرة مطر بيدك تجس الروح
شايل كل سواد الليل بعيونك
ألتمسك يامطر بس لا تغيب هواي
تره روحي جزيره وتيبس بدونك
عليك تعلمت وعضاي كلها تنوح
تفطمني غصب ترضى يفطمونك
أصومن عمري كله أتنطرك يهواي
ولا أمدن أديه لغير ماعونك
لا تنشد شلوني منين أجيب اللون
بعد ماظل عكل لاتنشد شلونك
يعبره بصدري أضمك من حجي العذال
وتزهك عبرتي وبعيوني يقرونك
تره بير العشك واسراره ماتنباع
وانت اسرارنا ومانكدر نخونك
يحاكمني سجن والضيم مد الشوف
كلي بياذنب حاكمت مسجونك
لا تلعب بعمري وعمري الك منذور
ييزك تلعب بعمر اليحبونك
تانيت الوفه وللفرج مامش باب
شمعه وذوبتني بنار جانونك
دغطيني بحنانك حتى لو بالطيف
وخليني كحل يازين بجفونك
أخذني بين أيديك وخل أموت هناك
ناغيني بشفافك ..عضني بسنونك
تعال الدنيا ظلمه وصدري ضايك حيل
واليوم أشتهيت أتوسد متونك
وسولفلك سوالف عن ربيع صباي
وشمك بالنحر وتغنى بعيونك
ياوردة كرنفل والصبح نسمات
ونسماتك ترد روح اليشمونك
من يوم اللجحتك واني هايم بيك
فراشة حديقه وصرت مجنونك
::


تحياتي الكم قريتهة وعجبتني ونقلتهة الكم شكرا الكم

كلمات في غايه الروعه تقبلي تحياتي ومشكوره على لاداء الجميل
تحياتي

اخت رنا اشكرك على هذا الانتقاء الرائع وهذا النقل المميز تحياتي لك كلك ذوق
اخوك محمد

أخذني بين أيديك وخل أموت هناك
ناغيني بشفافك ..عضني بسنونك
حقيقه قصيده رائعه ونقل مميز كنت اتمنى ان تكوني انتي كاتبه هاي القصيده تسلمين وتعيشين
اخوك الزير روماني

عاااااااااااااااااااااشت ايدج رنااااااااااوي عللى هذه القصيدة الجميلة ونسع منج انشاء الله قصايد بعد اجمل ياااااااااااااااحلوة صقر الديوانية يحييكم وشكرا

أخذني بين أيديك وخل أموت هناك
ناغيني بشفافك ..عضني بسنونك
حقيقه قصيده رائعه ونقل مميز كنت اتمنى ان تكوني انتي كاتبه هاي القصيده تسلمين وتعيشين
اخوك الزير روماني

كلمات قي قمه الروعه يسلم ذوقك
تقبل مروري