مرحبا هاي اول مشاركة الي في هذا المنتدى الرائع
أني عراقي
آني عراقي
واضح في كل الاشياء
وطيب حتى الاستغفال
بكلبي يمين بكلبي يسار بكلبي جنوب بكلبي شمال
في اقصى جنوبيتي عراقي
وفي لكنة كرديتي عراقي
بدوي عراقي .. بغدادي بلف جراويتي
بعكالي ابشتي بجفيتي
بس تنخاني امشمر حاظر تلكاني
تامر عيني وتامر اغاتي
يتوضحلك اني عراقي
اني عراقي .. اول من علمت الناس اتخط الكلمة
واول من غازلت النجمة
واول من رطبت النسمة
واول دمعة واول بسمة
ولكل ظلمة ان اول شمعة وشمس انطلقت من بيتي
بابل انه .. سومر انه .. من اور انه .. الوركاء انه ولكش وكيش
ومختومة بكلهن جنسيتي
انه عراقي اول من خط الاديان
املك جامع للقران واملك اديرة ورهبان
وكنائس عندي وصلبان اني عراقي ..
لتعربني وتستغربني هذا يماني وهذا حجازي
وهذا الكردي وهذا العربي وهذا المسلم هذا المسيحي
وهذا السني وهذا الشيعي
ما اسمحلك ان تنسبني غير الاصل الشعب الراقي انه عراقي
انه عراقي ..
وارسى سفينة نوح بارضي
ادم صلى لربة بارضي
هود بارضي وشيت بارضي
واكرمني بستة معصومين ..
ومن دم حيدر ثورية ارضي وجف
عباس ودم حسين
اني عراقي
النعمان اتربه بارضي والكيلاني من اربات ارضي
واوراق العالم ما تكفي
وما تستوعب ارثي الباقي
ويكفيني افخر
وقس كل المسيحيين عراقي
امام كل السنة عراقي
ومرجع كل الشيعة عراقي
مو حقي افخر انه اصل الانسان الراقي
اني عراقي
وكلنه عراقين تحياتي للجميع
