قصة طالب يريد يصارح بنيه

قصة طالب يريد يصارح بنيه
طالبة وياه بالقسم شوف شصار وياااه


طالب وعايف دروسي

واقرا اشعار وجرايد

وعاشگ بنيه بقسمنه

والگلب بس الها رايد

هي حلوة .. هواية حلوة

واني عمي شلون واحد

بالفرن ناسيني اهلي

وحتى لون عيوني جارد

حاولت الفت نظرها

بكل وسيلة وماكو فايد

غيرت لبسي ومشيتي

وفكري بالمودات شارد

وجللت شعري وصبغته

ولبست حتى گلايد

گعدتني ع الحديدة

لا بعت حتى الحدايد

لا تگلي ولا اگلك

بهدلتني الله شاهد

وهي تدري بس خبيثة

مثولة والدلال بارد

وانه نار بنص دليلي

خاف اصارحها وتعاند

مرة اگول احجي معاها

ومرة اگولن خلني راچد

وين چانتلي يربي

چنت متونس وگاعد

وقررت لازم ابوح

بحبي الها وما احايد

بوري ما بوري اسولف

قابل مصارح مجاهد

جيت وتقربت يمها

جسمي يرجف حيلي بايد

والضغط يمي تخربط

مرة نازل مرة صاعد

گمت اتمتم گمت اعتعت

گمت احس بلساني جامد

چني سيارة عتيگه

وانكسر من عدها گايد

ردت افلت ما عاد ينفع

گالت اتفضل شرايد

گلت عفواً من رخصتچ

بلكي عندچ قلم زايد

والله صحكت من كل گلبي تسلم غفران على القلم الزايد

شكراااا اخويه الزير على مرورك الجميل

رائعة اخي الكلمات....تقبل مروري ....وتحياتي

اخويه زيد شكراااا على مرورك الجميل

لك عيني غفران هاي اتخبل منين جبته وشلون دبرته 00والله عاشت ايدك 00
اكلك انت فنان تكلي لا00
تسلم بعد روحي 000
حبوبي تقبل كل الود من اخيك
الصكر

شكراااا اخويه الصكر على مرورك

انته فنان والله

قصيده كلش حلوه ولطيفه ......وفوكاهه بوري معدل ...
تقبل مروري يا فنان