شعرعن بنات العراق محافظه محافظه رهيب

عراقية والنعم منهه وسمـــــــــــــــــهه



شالت هم الـــــــــــــــوطن فوگ همهه
بنات البلد لؤلؤ وعقد مرجــــــــــــــان
احتار القلم شيكتــــــــــــــــــــبلي عنهه



بت البصرة
بت البــــــــــــــــــصرة حرة والف حرة
اصالتهه من النــــــــخل كحيلة السمرة
ما تعرف زعل والـــــــــــروح خـــضرة
الچ مني السلام وارقى التحية



بت بغداد
بت بغداد محتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية



بت النجف
بت النجف رزنة وطــــــــــــنون هيبة
نور وجنـــــــــــــــــــاتهه التايه يجيبة
موسوعة علم ما تدفع ضــــــــــريبة
تربات المراجــع والمرجعية



بت العمارة
شسولفلك علــــــــــــــــى بت العمارة
العاشرهن يبخته طالـــــــــــت عمارة
الوفى دربة عليـــــهن والله ومسارة
كبرياء الهور وصفات الطير بيهه



بت كربلا
بت كربلا رقة وحــــــــــــــــــــــــــلاوة
ابتسامتهه خفيفة ومشيــــــتهه بهداوة
لاتعرف جفة لا تــــــــــــــــعرف قساوة
وفى تربة الگاع معجونة بيهه



بت ذي قار
بت ذي قار لا تنــــــــــــــــشدني عليهه
احتار الفكر منهه وعليــــــــــــــــــــهه
كل صفـات الحســـــــن مجموعة بيهه
تلميذة مضايف والكرم بيهه



بت الحلة
بت الحـــــــــــــــــلة طيبة وطيب زايد
الوجنات الوردة والـــــــحواجب گلايد
نصبن الكل گلب بصري مصـــــــــايد
خد مربى وخد گيمر السدة



بت الموصل
بت الموصــــــــــــــل مزيونة وشگرة
بشوفتهه من كل مرض تـــــــــــــــبرة
قطعة من الفرح ضــــحكة ومـــــسرة
اربعتهن ربيع فصولهه هي




بت السماوة
هايم انه ابت السمــــــــــــــــــــــــــاوة
هي الغلا وهي الغــــــــــــــــــــــــلاوة
خفيفة دم ومعجونة بشقــــــــــــــــاوة
شاخصة مثل نخلاتهه هي



بت تكريت
اسألت گالو الحـــــــــــــليوة من تكريت
بنات مدسترة ومنـــــــــــــــورات البيت
الوجنة ضوة والـــــــــــــــخدين جكليت
بنات العز والمرجلة هية



بت الشمال
بت الشمال مــــــــــــــــــــجرش جسمهه
مثل الجـــــــــــــــــــــــبل ثابت كل حسنهه
دهوك وسليمانية واربيل يالتسئلني عنهه
تتكاسر بحلاوتهه وية الناصرية




بت ديالى
بت ديالى الاصــــــــــــل هي والاصالة
برتقالة بالشــــــــــــــكل وبالعگل فالة
همك صـــــــــــــــــبرهن اتكفل وشالة
بيهه اروع صفة واروع سجية



بنت الانبار
بنت الانبار استاذة بالكرم وتحسن الملگة
شعب طبي وعلاجك يمهــــــــــــــــه تلگة
تجر الروح وتــــــــــــــملي الگلب حرگة
يعونة النزل عدهم وشرب مي منديهه



_________


MOHAND_RD

اخي العزيز مشاركه جدا رائعه تحياتي لك

شكرا اخي الكرريم على هل المشاركه الجميله
بنت الانبار استاذه بالكرم وتحسن الملكه
شعب طبي وعلاجك يمهه تلكه
تجر الروح وتملى الكلب حركه
يعونه النزل عدهم وشرب مي منديهه
شعر كل حلو

شعر كلش كلش حلو اخويه ناسي بنت الديوانيه تحياتي.........................

مشكور على هذا الشعر الجميل$كليبي الك يعراك"سبلت اشده @واذا حران كل ساعه ابرده0اعذرني لو قصرت يعراك" وانت تدري اليحب مجنون@ والورد بس اسم وانت العطر واللون:66 (46):

مشكور على هذا الشعر الجميل@تعذرني لو قصرت يعراق وات تدري اليحب مجنون #والورد بس اسم وانت العطر واللون

اخويه مهند000
العراقيات كلهن وحده بالجمال وبالكرم والعفه والحياء000
تحياتي لكل عراقيه 00من الشمال الى راس البيشه(البصره)
تقبل تحياتي
اخوك الصكر

بنت الانبار
بنت الانبار استاذة بالكرم وتحسن الملگة
شعب طبي وعلاجك يمهــــــــــــــــه تلگة
تجر الروح وتــــــــــــــملي الگلب حرگة
يعونة النزل عدهم وشرب مي منديهه
عاشت الايد الي كتب هيج كلمات روعه