مو راح اجيب النتيجه!!!!!!!!!!!!!!!!!

رايح عالنتيجه اوراجع ابساع)
موهذا كلامك يمه ليه

ليش اتعطلت يمه العصر فات
اوبدت تعصر ابروحي المغربيه

هلاهل ترس صدري اوبيدي جكليت
اوكبل اسبوع مشتريه الهديه

اتاني اوخبر عاجل طگني بالگاع
انفجار الجامعه المستنصريه

ولك يمه وصلتك ازحف ازحوف
لأن رجليه ماتن گبل اديه

لگيت اكتابك اوماشفتك اوياه
عفته اشلون مو رحتو سويه

اوجثه اتصيحلي من بين الرماد
موهيه گلت وآنه ادري هيه

حاجيني دخيلك ياضوه العين
الشضيه الصابتك موبيك بيه

انا اشتاگيت ابوس اجفوفك اليوم
ابگد مابوست انته بديه

وصية والدك بيدي آنه احنيك
ترضه ايگول خلت بالوصيه

اعرفك غيره كلك تذبح الموت
اوتگعد بس اشگ ثوب العليه

اعز الناس جنت اتگلي ياحيف
اعز الناس ذلتهه المنيه

ياجف القدر المن انمديت
ليش اتناوشت نجم الثريه

ابني البجت لمصابه الحمامات
وغتاظ الگمر ونخسف ضيه

ابني ابن العراق اوامه بغداد
ياهو الكتب مجهول الهويه0
******************
قصيده ابكتني بحق وتاثرت بها حبيت انقله الكم00
القصيده من تاليف الشاعر المبدع
يحيى العلاق
اخوكم الصكر

تحياتي لك ابو علاوي وللشاعر يحيى العلاق فعلا قصيده
رائعه >>>بس والله موتتني من القهر>>>>
ابو علاوي الغالي اشكرك على هذا النقل والانتقاء مجهوداتك
رائعه ,,,,,,,,,,,,,,,,,,
اخوك محمد

والله يااخي قصيده رائعه وبارك الله بيك نزلت ادموعنه جا احنه اسوينالك عليش يوميه اتبچينه تحياتي الك ولكل اهل البصره الكرام

ابو جاسم الورده والاخ الزير00
احبكم بكد الهوى الهاب0000وحبكم بكد ما بالبصره ارطاب0
اعزاءي شكد افرح من تمرون بيه000
الصكر

وانت ايضا تسلمي 00
لك كل الود والاحترام00
الصكر

يعني قهرتني حيل تحيه الحضرتك وتحيه للعلاق