هلوووووووووووووووووو عيوني شلونكم
جبتلكم نكت بعدهي حاميه ......مع انو بعضهه قديمه
يللا ياريت تعجبكم
كردي لازمله ثلجايه ويگول: والله أموت لو بس أعرف منين مزروفه؟
مصلاوي يعالج يريد يموت.. شاف ولده كلهم يم راسه.. گعد گال: مناعيل الوالدين كلكم هنا.. عجل منو بقه بالدكان؟
واحد ناصريه... طرده أبوه من البيت... كتب عالباب: مقر حزب الدعوه الرئيسي.
ناصريه شاف واحد يحترگ .. إنتظر شويه وراح طفاه.. گال: حته يعيش مشوه.
طفل كردي ضيع أمه بالسوگ.. سأل واحد گلله: ماشفت مريه تمشي وما وياهه واحد يشبهني؟
كردي راح يشتري دوش كال لابو المحل عندك مكينة اتسوي المي مثروم؟
فد يوم كردي يغني بحفلة والجمهور يصيح -سحابك مفتوح -كال هسة هسة اغنيها
كردي صار ويه المقاومة انطو قاذفه وكالولة اضرب سيارة امريكية......... راح ضرب سيارة كابرس
مره سالو كردي الثعلب يجيب لو يبيض؟ ..... جان يكللهم : والله هازا كلاوجي كلشي يسوي
كردي فتح صيدليه سماها لبن اربيل
كردي أشتغل تكسي بالصين كلما وكفه واحد يكله لك ملعون مو توني وصلتك
كردي شاف واحد ويه مرته.. جر المسدس عليه..ذاك گال: لك كاكا هذي الكاميرا الخفيه.. الكردي
گال:خره بعراضكم.. ماكو غيري؟.. هاي خامس مره تنكتون بيّه.
كردي زوجوه أهله.. گعد الصبح گل لأمه: يمه خليها تنام عدنا بعد.
كردي مات أبوه.. أجه صاحبه يعزيه گلله: ألله ينطيك الصبر.. گلله: لا، عادي.
كردي خطب بنيه.. گله ابوهه: مو البنيه هسه تدرس.. گال: زين أروح فد ساعه وأرجع؟
كردي سأل صاحبه: اليوم سبت لو أحد؟ گال:الأثنين.. گال: سبحان الله.. چفته وحده
كردي راح لطبيب عيون گالّه: دكتور من أغمض بعد مأ أشوف
كردي گال لمرته: اليوم تخرجت من الكليه.. گالتله: ليحسدوك عله ذكاءك.. دُگ الخشب.. گام دگ عالقنفه.. گالت: منو؟.. گالهه:گعدي إنتي..... أني أفتح.
ك
كردي زعلان ويه عائلته..دزلهم رساله فارغه.
كردي خابر الشرطه گاللهم:أكو حادث بيه خمسين سياره مگلوبه.. إجوا لگوه يخابر من يم السكراب مال كسره وعطش.
كردي حشاش دينظم ميزانية المصروفات گال:هاذي ألف للكهرباء.. هاذي للأكل.. هاذي للحشيشه.. اندگت الباب رأسأ.. وإذا الشرطه.. گام رأساً شگ فلوس الحشيشه.
كردي سوه دعوة سرقة سيارته..گالوله:شگد رقمهه؟ قال : والله ثمنتالاف..ثمنتالاف وثمنميّه.. بهل حوالي.. المهم أقل من تسعميه.
كردي انسرقت سيارته..ركض وراهه ورجع گال:هم زين أخذت رقمهه .
كردي سال أبوه: بابا منين چنتوا تشربون ماي گبل؟.. گال أبوه: من العيون إبني.. گال: بابا لعد ليش هسه من الحلوگ؟
كردي ويه صاحبته بالكازينو..أنگطع الكهرباء..گالتله: يلله إنتهز الفرصه....گام شرد بلا ميدفع الحساب.
كردي فتح باب السياره يريد ينزل شاف المطر قوي.. سدهه ونزل من الباب الثانيه.
كردي رادوا يعذبوه انطوه ورقه مكتوب عليهه من الوجهين (إقلب الصفحه)
كردي وگع من جبل...صاح.إلحگوليييييييي..چيتوا الاكراد كلهم وراه
كردي شاف گشر موز بالشارع گال:أوهوووو..شلون شغله ؟ هم راح نزلگ
كردي گال للدكتور :دكتور كلما أشرب چاي عيني توجعني..گال له الدكتور :طيب كلما تريد تشرب الچاي وخّر الخاشوگه.
كردي يسبح بالشط ويندعي: يا إلهي لاتموتني لخاطر المره والجهال..صديقه سمعه گال له: لك يامره ياجهال؟ إنته يمته متزوّج..الكردي غمزله وعض له شفـّه.
كردي راد يبدل الگلوب ركب على چتف مرته وگاللها يلله افتري.
كردي خابرته صاحبته گالتله: تعال اليوم البيت فارغ.. ماكو أحد ببيتنا..طار من الفرح..راح لبيتها ركض..بالباب وگف گال :لعد أني شكو جاي إذا البيت فارغ وماكو أحد؟
كردي يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.
كردي عنيد.. صاحبه دگ عليه الباب گال: منو؟ گال:أني .. گال :لا مو أنته.
.
كراد ثنين مساجين خططوا يقتلون الحارس ويهربون راحوا شافوا الحارس ماموجود رجعوا گالوا: خربت الخطه
كردي دعم أثنين بسيارته واحد مات والثاني متكسر.. گام المتكسر يصيح.. گال له الكردي شبيك تصيّح أشو هذاك مات وكلشي ما گال.
كردي راح يعزي صديق بوفاة والده، سأله وين مكان الضربه بالمرحوم گال فوق عينه.. گال هم زين ماجت بعينه.
موبايل كردي مغلق : ان الرقم اللزي زربته ماموجود ممكين تدوق فد شيويه.
كردي مرته جابت توم.. گلهه: تگلليلي منو أبو الثاني لو هسه أذبحچ؟
.
كردي بالنجف ..شاف جنازه ، فراد يگول: انتم السابقون ونحن اللاحقون، مادبّرهه، فگال (انت يروح وبعدين انا يجى).
كردي اشتره حذاء , فگال له أبو المحل : تره أول تلثتيّام راح يزعجك بالمشي .. گام لبسه رابع يوم.
كردي باگ بطه من جيرانه.... ثاني يوم الصبح شافه جيرانه ... گال له:صباح الخير .... گال له يابطه؟
.
كردي ضيع مفتاح سيارته اجوي الناس يساعدوه، فتحوله باب السياره بالدرنفيس، گام سوه نسخة من الدرنفيس.
وحده تعرفت على كردي سألته: شسمك گالها: إسمي يبدأ بحرف الزاء گالتله: أكيد زهير گالها : لا گالتله: زكي گالها : لا گالتله: لعد زامل گالها : لا.... (زافــر).
شيخ عشيره حچه نكته... واحد كردي من الگاعدين بالمضيف عجبتة النكتة وضحك .. وگال : خره بعرضك إمحفوظ على هالنكته.
كردي گام يطفي الضوه لگاه محروگ.
كردي گال لابو الصيدليه: أريد فد مرهم لابني الزغير.. الصيدلي گال له: واني اشتم گفه إيدي؟ غير تگوللي شسمه؟.. كال له: اها… خادمك آزاد.
كردي دعمته سياره، سأله المحقق(هم كردي )شگد رقمهه؟ گال: 2499 گال له المحقق: أها.. يعني گول 2500
كردي شاف واحد غرگان ويصيح: ياناس ياعالم ما أعرف أسبح.. گال له: عبالك بالصياح تگدر تتعلم سباحه؟ لا بابه لا..عافه وراح.
كردي لازم فردة حذاء ويعامل أبو المحل: كاكا بيش هاي الحذاء؟ كال له: بسبعتالاف.. كال له: زين واذا اخذنا الفردتين متنزللنه شويه من السعر؟
كردي دخل فندق خمس نجوم، راد يروح للتواليت.. شاور الموظفه: وين التواليت رجاءاً؟.. گالتله :اها.. التواليت؟.. إسأل بالجهه الثانيه، راح إلها من اذانها الثانيه وشاورها: العفو.. وين التواليت رجاءا؟
طسه بشارع بالسليمانية..... كاتبين وراهه : أنتبه !! ورائك مطب.
كردي گالوله: إذا تريد تصارح صاحبتك.. إشمر عليهه وردة... رجع گاللهم: ماتت... نسيت أشيل الورده من المزهرية.
كردي إجه يدخل للبار، شاف مكتوب: ممنوع الدخول دون 18..... راح جاب 17 واحد وياه .
كردي عالبحر مغمض ويغني.. گالوله: الظاهر إنته منسجم؟ گال : لا .. من كلار.
معلم يدرس أكراد... يكتب وهمه يكتبون وراه... مسح السبورة، گاموا كلهم مسحوا الدفاتر.
كردي سمع كلمن يموت بساعته.... گام كسرهه.
كردية رادت تگتل رجلهه.... حطتله مسدس بالشوربة.
كردي راح لمكة... شاف الناس تشمر حجار... گام جاب تاير وحرگه
كردي وده إبنه لمدرسة المتميزين، گللهم جبتله لعبة مكتوب عليهه 3 إلى 9 سنوات بس هوه ماشاء الله حلهه بسبع تشهر.
لبناني تزوج كردية: گاللهه: صحيني بكير وقليلي بيضتين... هيه همينه الصبح گللتله: إكعد... بيضتين.
كردي سوري گل لمرته الدليمية : بدي (أصير) جوز هند.. گللتله: لازم تطلكني يالله... گام طللكهه وشرب العصير
كردي راح للدكتور گلله: دكتور عندي مغص قوي.. گلله الدكتور: طيب إنته ماكل شي ؟ گلله: شنو دكتور قابل أريد أجربك؟
كردي مات أبوه گال للدفان: بيش أرخص گبر؟ گلله: بالميت تسعين ألف.. گلله : زين وإذا الميت من عدنه؟
كردي سألوه شتحب اتصير بالمستقبل گال: خبير روسي.
اكو 16 كردي أجرو شقة كل أسبوع يطردون واحد ليش؟ ديقلدون ستار اكاديمي
كردي احترگ محله ، گالوله : خو ماخسرت هواية؟؟ گال :لا.. الحمد لله چنت مسوي تنزيلات.
كردي فاتته التاتا.... لحگهه بتكسي.
كردي راح لطبيب أمراض زهرية.. گلله: دكتور... زهري يوجعني.
عشرة أكراد خطفوا طياره فارغه واتصلوا بالحكومه: إذا ماتنفذون مطالبنا تره كل ساعه نقتل واحد مننا.
مدرس سأل طالب كردي گلله :إبني شتصير من تكبر؟ گلله: شايب إستاد.
كردي سألوه شنو رأيك بالزواج المبكر ؟ گال:والله كلما من غبشه أحسن.
بإنفجار مقر الأمم المتحدة ببغداد راح كردي يدور على صديقه، فوگف يم واحد صيني متمدد عالسديه ويصيح (شن شان شو شي شا...) گال الكردي يمكن ديوصي خللي أكتب الوصيه... فلما مات الصيني أجوي يقرون الوصيه لگوا الترجمه تعني( ولك وخر رجلك عن صوندة الأوكسجين تره راح أختنگ وأموت).
واحد گال للحلاق: تره صارلي ساعتين هنا، الحلاق كردي ..گال له: شنو يعني؟ اني صارلي سنتين ها.
كردي عطس يم مصري ، ترس وجهه تفال، المصري گاله : أنته أرفتني، الكردي رد: والله ..يمكن أأرفك بس ناسيك؟
واحد اشتره سياره رقمهه سليمانيه يوميه يلگه تايراتهه فاشه.. فد يوم ظل سهران يشوف منو ..طلع جيرانه الكردي يفش بالتايرات ويشتم الهوه ويصيح: أفيشششش هوه سليمانيه
كردي اجر تكسي قبل ما يوصل سيطرة الاميركان كَال للسايق: اوكف . نزل و صعد ليورة
كاله السايق ليش؟ كالة: يدورون على جماعة الصدر
كردي شدوله جهاز مال كشف الجذب كلولة هذا الكلوب من اتجذب يشتعل افتهمت؟ كللهم اي ... جان يشتعل الكلوب
فديوم امريكي وكردي فالامريكي كله للكردي وين وصلتو بالتطور كله الكردي احنه رجعنه لعصر الالات فالكردي سال الامريكي كله انتو وين وصلتو بالتطور كله الامريكي احنه وصلنه اذا يعطل القمر الصناعي انصلحه صفن الكردي وكال ايبااااااه لعد الدرنفيس مالكم اشطوله
فد يوم كردي حط عبوة على الطريق العام فات الرتل ورة(3) دقايق يلله انفجرت ليش؟ خال جهاز حماية
كردي شاف جماعة ديذبحون طلي كال ايبااه حتى الطلي كام يشتغل مترجم
كردي وياباني اتراهنوا منو الاغبى الياباني كال احنه الغبي مالتنه يعرف يسوي موبايل فكال الكردي احنه الغبي مالتنه رئيس جمهورية
كردي لزم خفاش وخرب من الضحك كال:اول مره اشوف فاره لابسه عبايه
