شعر كريم تويج
( بيمن أأمن وأنتخب )
انه اول طريقي ضاع بالاهات
أريد أعرف طريقي و ين تاليه
جبت انه مصيري وأنتخب هل جيت
تره ديني الجبرني ويامر عليه
لون بيدي أنتخب ماأنتخب هينوب
لأن كل الاجاني بروح غربيه
أجه يلهث عالديناروالــــــدولار
ولاجابه الوطن جابه الطمع ليه
صرت انه الضحيه صار حفنه سنتن
أجه ينهب أجانه يراعي كرسيه
بعد بيمن أأمن وأنتخب جاليش
اذا ياهو اليجي ينهش لحم بيه
ولامنهم شريف المخلص بهاليوم
صفت كل الأجت زمرت حراميه
أذاهوه حرامي الصار يحمي الدار
عله الدنيه السلام ميه بالميه
