كريم تويج
محمد نبي الرحمه
الاله أختار * محمد صار * نبي الاحرار * نـطاه أسرار بارينه
صبح مرسول * ينور عقول * علم موصول * بالاه الكون هادينه
يصب همـــــه * نبي الرحمه * عـله الامــــه * همـه يريد يحمــينه
نبي الاكـــوان * أجــــه بقرآن * من الرحمن * لطريق الدين يهدينه
*********************
لونجــي ونكـتب حيـاته أحـنه ونعدد مـــــــآثر
يافكر يكـدر يوصف للـنبي ويشرحهه شـــاعر
لو حـبر مايـك تجـعله ودنـيتـك كـلهه دفـــــاتر
تعـجزالاقـلام هـيه وياقـلم يكـدر يـــــكــــــــابر
بيهه يعـجز مايقـاوم دون شـك يكـون خـــــاسر
****
ماأريد أكـعد وعدد منهو يحصـي كـل صـــفاته
لـكن أبـدي بالولاده مـن أمـروذكـر حــــــــياته
هيه سنة الخير سنته بيهه ظـهرت معــــجزاته
بالســمه نوّركـمرهه وفــززالنـام بســــــــباته
تسمه عام الفيل عامه والله حطم كل طغـــــاته
****
ومن نزل جبريـل وهبط عالنبي بهاي الرساله
جـان يعـبد لله وحـده يصـــلي لله تعــــــــــــالى
ماعـبد قـط الوثـنهم ماعبد قـط بجهــــــــــــــاله
كـله أقرأ يامـحـمد هالرسـاله مـن الـجـــــــلاله
بيهه نوّر الكـون كـله وبيهه أمسـح كـل ظـــلاله
بلــغ بـسـر الرسـاله وامـنوا أهـل الوعــــــــــيه
جان همه الدين يفرض نفـسه مابــين الرعـــــيه
وأعلن بنشرالرســـاله نـــال مانـــال الاذيـــــــه
وكفـت بـكل قـوه ضـده ثارت بوجـهه أمــيــــــه
حاربت لـلديـن هـيه تريـد تـبقـى الجاهـــلــــــيه
****
بكـل بشاعه هـيه أذت للذي ستـنشـق عـطرهه
هاي أميه تريد توقـف تمنع الدعـوه وخــطرهه
ياابو طالب نكـلفك طه يوقـف عـن نـشـــــرهه
نـملّكـه كـل مايـريده بـيـده مكـه وكـل امــــرهه
يأبـه طه ومايـوافـق لـولـه بـيـمـينه كـمـــــرهه
****
والشـمس بشـمالـه حـطو كون ينشرهه الدعوته
وبرغم كـل المصاعب عالارض وزع خطـوتــــه
خـله كـل الناس تنـعم بنـعمة الـديـن وسـفــــرته
وراية الاسـلام علت رفرفــت عالي بيمــــنـــــته
هذا ديـن الباري بـيدك والـذي رايــد رحمـــــته
ســــلك دربه * وعرف ربــه * ولاصــــــعبه * بطريق الجنـه يتمـسك
النهج وضاح * يشع مصباح * درب الصلاح * جـهنم احذر تمســـــــك
الفـتح عـــينه * ومشه بديـــنه * وقـوانــــــينه * طلا سم ديـنك تحرسك
السراط هناك * الـنبي ويــــاك * ولاينــــــساك * بشراب الحوض يروينه
