صفه دم الكلب حبري
وتعدى على الصبر صبري
انا بدنياي ما ناسيك
واخاف انساكم بكبري
***
اجاني العيد فرحني
كافي الشوك جرحني
دخيلك عوف زعلاتك
تراهو العشك ذابحني
***
مليت الصبر كافي
متانيتك حضن دافي
بوس وعضعض بكيفك
تعال ورطب شفافي
***
تعال الشوك الك مشتاك
تعال انغير العشاك
تعال وطفي نار الشوك
موكافي شبعنه فراكك
***
تانيتك على الموعد
مو كافي ولك بس رد
هذيج انا ذهب صافي
تعال شبيك متردد
***
تعال ونور الديره
تعال وبدد الحيره
ساكت ما تجاوب ليش
يلكلك وفه وغيره
***
مليت الهجر كافي
يالشلتك على اجتافي
اذا بالعيد ما توصل
اجيلك علجمر حافي
