خليني دمع

خليني دمع مااصير ابد ضحكات
وعندي اسباب ماصيرن تخليني

اولهه الفرح كاتب علي ممنوع
وثانيهه الحزن كاسر فرح عيني

وثالثهه الفقر عراب هالاسباب
ومن العوز مافرغت دواويني

واتريد ابتسم واضجك جذب للناس
وهاذي مو صفاتي وانته تدريني

ناضج بالحزن خطيت الثلاثين
وثياب الفرح ما ضنهه تغريني

وضايع من زمن بس عندي بس عنوان
بعيون اليتامه اتشوف تلكيني

ولان كنز القناعه موشرط بالمال
بس ورقه وقلم مرات تكفيني

ولاجئ للشعر من حيث ماكوا اوطان
تسمع فكرتي وانسان تحويني

وغني وابقه اغني بس للشعر لاغير
وثورات احتراقي لي كنز واقنع

لان عندي القصيده كل الملح والزاد
ماملهه ولافديوم منه اشبع

وشاعر داخلي لو جاع تالي الليل
ياكل بالحروف ويشرب المطلع

وقافيتي صغت من قاع هالحرمان
وتخيل بعد صار الكلب مرتع

وموصوتي جرح هذا اليحجي وياك
واقرالك بعد من قصتي بس مطلع

ماعندي حلم ينباك مني باليل
حلمي بس حبر فوك الورق يركع

وتمثال الامل كسرته من ازمان
وكلت الواقعي ياصاح راح اخضع

لذالك من تجي تلكاني بس عاشور
ومن يخلص محرم كون هم يرجع
ومن يخلص محرم كون هم يرجع

منقول ,,,,,,,,,,,,,,,,

تسلم حبيبي محمد السوداني على الاختيار الجميل والنقل واتمنى في المرات القادمه ان لا اشوف كلمه منقول يعني انت حاول تكتب الف شكر

اخي الزير اشكر لك مرورك وموضوعيتك بالرد
وجوابي لك اني اجيد قراءة الشعر الشعبي ولاكني
لست ممن يكتبه وذلك اسباب عده فلكتابة قصيده
اول شرط لها هو تمكن الكاتب من اللغه التي يكتب
بها لايصال الصوره او الحاله التي يريد ايصالها للقارئ.
وهذا لايعني انني لست متمكنا من الكتابة بالهجه
او بالعاميه ولاكني ابدع اكثر عندما اكتب بالفصحى
تحياتي لك لخوك محمد

والله يا بو جاسم كلك ذوق ونقلت هذه الرائعه 00
لان انت ذواق وعندك حس شفاف ومرهف00
تسلم اناملك الجميله00
اخوك الصكر

اخي ابو علي اشكرك على مرورك وعلى كلماتك العذبه
التي تدل على نبل كاتبها تحياتي لك اخوك محمد

مشكور حبي مشاركة ونقل اجمل تحياتى الك واشد على يديك كما فعل اخى وصديقى الزير بان تحاول ان تكتب انت تحياتى الك

اخي العراقي ياطيب اشكرك على مرورك الجميل,,,,,,,,,
اغاتي انته والزير والله سوف احاول واذا ضبطت ساهديها
لكم واذا لا فهدوه الي,,,,,,,,,,,,,,
اخوك محمد