أهواك أحبك أعشقك ما أخونك

يفداك القلب و التعب و المسافه=دام آخر المشوار شوفة عيونك
و يفداك عمر ضاع كله حسافه=على الزمان اللي قضيته بدونك
جيتك بقايا حب هذا إعترافه=أهواك أحبك أعشقك ما أخونك
يعني أحبك حب أسمه خرافه=لطروا أساطير الهوى يذكرونك
و لو خفوق كتاب تقرا غلافه=قسم قسم بالله أعشق جنونك
جيتك على رغم الزمن و اختلافه=كل الطرق عندي توصل جفونك
مليت من شح الغرام و جفافه=ضميانه حب و برتوي من مزونك
قليِّ أحبك خل عنك الكلافه=ريح ظنوني ريَّح الله ظنونك
يا سيد قلبي و الحلا و اللطافه=كل المشاعر في خفوقي يبونك
خلص كلامي بس عندي إضافه=أهواك أحبك أعشقك ما أخونك


Mohand_rd

مشكور حبي مشاركة روعة تحيات ىالك