عفت كلشي ...وجبت كلشي
ومدري شلون اجيت امشي ..
اجيتك ردت اكلك شوف ...ردنه نعوف كلشي وماكدرنه نعوف
كون تشوف حالي شكد الك ملهوف ؟..
******
جبت كلشي اليسولف بيك
خيالي وصحوتي وطيوف
جبت دكات كلبي الكطعن قلبي بجفاك اسيوف
جبت صفنات روحي
السودنت روحي .....
مثل جن بمسيه وعل يتيمه يحوف
كون تشوف ...........
بشفافي الحزن ماخله بسمه تعيش
وكلمن كمت ابوسه بخده اطبع اوف
كون تشوف .......دموع الجدم ماتدري وين تروح
والخطوات عميه
وتايهه بلاشوف
كون تشوف ....
كون تشوف ..خَلصت الوجوه وشفت كل الناس
كلها وجوه غربه ولا وجه معروف
وين الكاك يلموصوف؟؟؟؟
اليه أنه والك موصوف ؟...
يلفركاك غربه وكلشي مامألوف ...
انه بلياك مدري شبيه مابيه ..
زلف وبلايه ترجيه ...
درب مابيه كل جيه...
نهر فاض وتبع ميه
رجع بس مالكاله اجروف
كون تشوف روحي شخله بيها الخوف
مطلوبه نذر وتخاف ...
ماتوصل حضرتك
من بعيـــــــــــــــــــــــــــد اتطوف
******
كون تشوف روحي شخله بيها الخوف
مثل دم العروس الجايه علجناب
ويصبر عليهه
وجابها الزافوف ........
******
وشوف شخله بيه الخوف
مثل حلت مدارس
روحي احسهه اطفال
حلت وإتركتني ...
وباقي بس صفوف
******
ويا وحشة صفوفي ومن يجيني الليل
ويالون الوجه
بعدك يضل مخطوف
***
ويا قسوة ضنوني الماتريد تروح
وانه الصاير اسير
وبيدهن مجتوف
...
كون الكاك واشكيلك
على جروحي لكيت
الغشمه بيها تروف
وكون الكاك...ابجيلك وسوي خدودي سبوره ودمعتي حروف
وكون الكاك واحجيلك
يكتاب السنين انحذف كلشي الجان
بس اسمك لكيته الباقي مامحذوف
واذكرك من مسحت دموعي
باخر يوم... على خدودي
احس لهسه طبع اجفوف
******
وكون تشوف اعيوني مضيف تصير وكت النوم
وهلبت بلحلم
كون وتجينه ضيوف
وكون تشوف حالي
شكد الك ملــــــــــــــــــــــــــــــــهوف
تحياتي الكم وهاي اول :66 (6)::66 (6):مشاركاتي واتمنه تعجبكم :66 (6)::66 (6):
