حياك الله أخي الفاضل أبو الغيث
والله كلمات من واقع مؤلم يمر على العراقيين لحظه بالحظه
ذكرني الموضوع بواحد صاحب كهوة
هذا المسكين عنده كهوة يترزق منها مايعرف السياسه شنو
وفي نهاية الخمسينات بدأت الأحزاب والتكتلات بالعراق تسعى للحصول على السلطه.
كانت الكهوة أسمها (( قهوة أبو فلان :8:)).
ليش ما يصير الأنقلاب وأذا بالحزب الشوعي العراقي أصبح له اليد القوية.
وفي يوم من الأيام وأذا بمجموعه من الرفاق:2:
واقفين باب الكهوة :20:
أجائهم صاحب الكهوة .... خير عمي خو ماكو شئ !!!! تفضلو استريحوا اشربوا جاي حامض ؟؟؟؟؟؟
قالوله شنو هذا اسم الكهوة قال شبيه يابه ...... قالوله هسه لازم تغيره
وتسميها
(( مقهى الشوعيين يرحب بكم )) ...... هذا من الخوف نزل اللوحه وكتب لوحه جديده.
راحت ايام أجت ايام وأذا بالبعثيين يستلمون السلطه ....... بس صاحبنا ابو الكهوة مايعرف منو راح ومنو وصل كل همه شلون يدبر أمور اولاد واهل بيته.
وماتشوف الا وسيارة البعثيين واقفه باب الكهوة
وبدون مقدمات أكل صاحب الكهوة(( كتله غسل ولبس )) على شنو مايعرف
يابه انطوني مجال شكو شنو القصه.
قاله واحد أبن ال ........ شنو اسم الكهوة يحمل اسم الخونه والعملاء.
يابه والله ماعرف ....... وبعد كل ذيح البوكسات
كتب لوحه جديده (( مقهى البعثيين يرحب بكم )).
وصارت كل مايجي حزب جديد يستلم السلطه ينبسط صاحبنه بسبب اسم المقهى.
ومن كثر البسط اللي أكله المسكين وجزع :66 (124):من الأحزاب وأفكارها المريضه.
كتب أسم جديد
مقهى لا من ذولا ولا من ذوله يرحب بكم.
مع التقدير للجميع.
