عاجل \ جزنه من العنب ونريد.....

جزنه من العنب ونريد سلتنه


جزنه من العنب أنريد بس عيشه
اختلف كل الوضع وانكسرت الشيشة
طار العگل مني وطشت فد طيشه
رضينه بهل الظلم وهم تشتتنه
وجزنه من العنب ونريد سلتنه

جزنه من العنب أخذه آلك ذبه
وهم فوك العنب أتريد لك ضبه
انفتح باب الوطن ويا هو يجي طبه
ورغم كل الجرح ظاعت كرا متنه
وجزنه من العنب ونريد سلتنه

ما أريد العنب وشيله بس انته
من غير العتب كله ألك عفته
مو گلبي أنزرف وديني ضيعته
دوار الزمن طاحت محبتنه
وجزنه من العنب ونريد سلتنه

جزنه من العنب أنريد بس راحة
أنام برغد وگلوب مرتاحة
ورده تحمل بايدك حلوه فواحة
ونعمر الوطن ونعيش جنتنه
وجزنه من العنب ونريد سلتنه

ما أريد العنب محتاج خمرتها
السهر راحة إلي واشرب مي يتها
وشمحله السحب وبدفعه جرتها
وانسه هل ألجره وانسه مصيبتنه
وجزنه من العنب ونريد سلتنه

ما أريد العنب سلتنه مزروفه
وضاع الأمل كله والروح مخطوفة
الناس أتغيرت ووجوه ملهوفة
االوطن بيد الأجنبي وبيده خبزتنه
وجزنه من العنب ونريد سلتنه

الف شكر
علئ هاذئ العمل الراءع

تقبل مروري
محمد السوداني

http://img145.imageshack.us/img145/2...8f61gb0by3.jpg

الاخ الروماني العزيز 00
ابدعت بما كتبت وتسلم
الصكر

الى الاخ الصكر و محمد السوداني و غفران الاعزاء اشكركم جميعا على مرروركم الجميل وتسلمون اتقبل النقد وبكل رحابه صدر ومنكم اتعلم الصغيره والكبيره الف شكر