رغم المنع تجوال كلبي اعتناك
ماخاف الأمريكان هدني واجاك
سوو منع تجوال ضنهم اعوفك
ازحوف اعتنه الدلال رايد يشوفك
منعو جسم ياصاح مامنعو اكلوب
كلمن يسمعك جاك عاذل ومحبوب
محبوبي دك الباب ودكته اعرفتهه
ومن السطح للكاع روحي اشمرتهه
والله انه كلش زين من كلمتني
والبارحه بالطيف جيت وزرتني
ازعل واكول انساك وارجع واهم بيك
دم انت بالشريان كل دكه احس بيك
ماضل صبر يفلان واصبر على الاه
حتى التحبه الروح شربني ويلاه
لو صدك انت تموت هم مااعوفك
نندفن انه وياك بس كون اشوفك
حبك حبيبي اهموم تمطر عليه
عاشرتك انه بطيب ليش الاذيه
الليل اعد الليل ساعه اعله ساعه
تاكل اكل بالروح لحضة ودعه
كون الجمال البيك ينكلب بيه
كلما احن واشتاك اصفن عليه
وينك ياروح الروح يالتسوه كلشي
تسوه العدل والمات والبعده يمشي
بالحلم جنك جيت من ذاك الغياب
كبل ايدي شفت الروح فتحتلك الباب
ريت الله لاينطيك يالصحت باسمه
فر فرة العصفور كلبي شيلزمه
سلاني سل فركاك ناحل دعاني
بال مجهر يدورون محد لكاني
كلما افكربيك ماادري شيصير
والفيل اشوفه يطير ويه العصافير
بنيان الك بالروح ساف اعله من ساف
والكلب غيرك يوم لاحب ولا شاف
مشيك حلو يهواي دون اليسيرون
اقره الحمد كالساع خوفي من العيون
اسبح وافكر بيك ياماي العيون
قاصر درت فوك الراس حسبالي صابون
اقسم بداحي الباب وبدم الحسين
اعميهه لو لحضات تنساكم العين
وين الرضا المطرود ساكن الغربه
رايد حبيب الروح يجيبه ويكربه
تحياتي
