علسطيني انا بقلم عبد القادر الزيناتي

علسطيني انا بقلم عبد القادر الزيناتي

هواي سألوني

منو انت ومنين

من جبال اطلس

لو من جبل حمرين

قلت اني عراقي

واصلي من فلسطين

وهويتي اليوم تقره علسطيني

---------------------

امي من صدرها حليب

ارضعت بطعم زيتون

ومن ديالى الحبيبة اكلت

البرتقال والليمون

وصار جسمي يحوي

شكل واحد اسمه حيمون

لغة وحدة تنحكي

عربية مو اعجمي ولا تيني

سالوني هويتك شنو

قلتلهم علسطيني

--------------------

اني انطر اهنا بالقمر

صار هلال يزهي

والليل ما عنده خبر

والناي يعزف والوتر

ودبكة شمالي

ورقصة الجوبي

وموال للقدس وحيفا وجنيني

سالوني قلت اني علسطيني

---------------------------

بحيفا عدنا ميناء وبحر

وبيافا ليمون وزيتون وزهر

وبالنجف تمن الشامية عنبر

والكمأ بالغربية اشكال تسحر

وبالخليج ام قصر

نورها للناظر يبهر

وربابة بالجنوب تحوي

هم شوقي وحنيني

هويتك شنو

قلتلهم علسطيني

---------------------

جابت امريكا هدية

للعراق منين هيه

هم نطيحة وهم ردية

وانطوها اسم فعلي

ديم----راطية

غيرتلي اسمي

وقتلتلي سنيني

سالوني انكرت

اني فلسطيني

----------------

لا تستغرب ياخويه

من قلت هيك

ميحبل فحل ثور

وميبيض الديك

اختلفت علينا

صدق هاي

مثل ذيك

البكي شيفيد

مو ضاعت سنيني

سألوني قلتلهم

اني عراقي فلسطيني
الزيناتي

---------------------

كل الارض العربية بيتنا وكل الاوطان وطننا مشكور اخى وحبيبي كلمات جدا دقيقة وتحمل احساس اكبر من وصفها تقبل مروري

كل الارض العربية بيتنا وكل الاوطان وطننا مشكور اخى وحبيبي كلمات جدا دقيقة وتحمل احساس اكبر من وصفها تقبل مروري