حايط.. وصورة محب

حايط.. وصورة محب
ايامي انتهت وانت اعلى هجرك .. ريت
لا خلصت ايامي ولاشفت هجرّ ك
متعلم عليك ,, وجنت كل اشتاي
هسه ابفركّتك ضاكّ الشتا ,, حرّك
جنت احسب واعدلك بــ السهر نجمات
وكل نجمه ابتوالي الليل تنتظرك
مو انت الكّمر .. واتغيب كّلي اشلون
هاي اسماك ضلت مظلمه اتسهرك
وشوف اشلون عيني ما خذاها النوم
كّلي اشلون عيني ابلليلي اتعذرك
غربه,, وحيّرتني وياك وانذليت
ما اعرف شنو واشجان الك سرّك
صدكّ من ارحلت ضل بيتي موحش حيل
لاجن حايّطه ابكل لحظه يتذكرك
وصدكّ من اهجرت ضلت تنوح العين
لاجن تنظر ابدمعتها لصورّك
وصدكّ ما ضل صبر سلاها هاي الروح
بس باقي قليل او تصبر ابصبرك
ولك كافي هجر تدريني مومليت
ارجع ولك كافي من فلك طرّك

تحياتي
الكم