گالولك نساك...وصدگتهم ليش؟

گالولك نساك وصدگتهم ليش ..؟
وانت الحذرتني وكَتلي عدوانك
اشصار .. وشختلف ..؟ وانكَلبت الآيات
بيهم صدكَت .. وانطيت برهانك
ذبولك طعم من حجوا عني وياك
حجاية وبالجذب .. بس باكَوا السانك
ما حاجه من اكَلك آنه ما ناسيك
لأن تعرف بكَلبي ليهسه ماخانك
خوانك صفوا .. ؟
لا و النبي يغشوك .. مثل خوان يوسف ذوله خوانك
ولك عدوان صدك آنه اخاف اعليك
ايمشوك بدرب ويضيع عنوانك
تعال وخلي اذكرك بماضي الك وياي
عفت جم مرة روحي ابين ذرعانك ..؟
وتعال وخلي اذكرك .. يمكن انت انسيت ..
شم عطر الوفا تلكَاه بقمصانك
وتعال وخلي اشوفك بالكَلب نيشان
من توصل الكَلبي تشوف نيشانك
ما ذكرك بيا ولا حرف بالشوكَـ ..؟
ولا طبعات چفي الفوك بيبانك ..؟
يا نهر آنه مايك وبجفاي اتضيع ..؟
صبخة وجرح كَاع اتصير احضانك
تتباهى بزرع واچفوفك اموردات ..
ابتعب اچفوف ايديه وصار بستانك
على الباكَوك روح واشمر الذرعان
چا حظي عليا امسرفن اردانك
چنت قديس اشوفك ترهب بملكاك ..
وطيور الترافه الكَبل رهبانك
بس غروك ربعك العن الشيطان ..
علامك صاحبت يفلان شيطانك
ليغرك اجناحك اني احذرك شوف ..
نار البيا تحركَ ورق جنحانك .

تحياتي
.
.
.
فلـــــه

الگلب متروس يا خلي - وله لك
ولا همنـي انتحر لاجلك - ولا اهلك
اهلي ما يمنعوني - ولا اهلك
ولا كل الخلگ تگدر عليه


تحياتي .. ومودتي
قصيده بديعه وتشكرين يا فله
الصكر

تحيات ىالك كلمات روعة


اعشقك عشق فيروزي اتركني اجول بين زواياك دعني اخربش جدران قلبك دعني اترك من جراحي لون شفاه ترتسم على وجهك مبتسمه شدني ايضا شدني اكثر لم يعد بعدك يغنيني عنك ولم تعد مراسيل الغرام تجيد نفعآ دعني أتمتع بحبي لك