السلام عليكم
انشاء الله زينين
مجموعه ابوذيا ت
اتمنى تعجبكم
****
حراره صيف جسمه وشته منه
وعرفته شراد عقله وشتمنه
سحرني و كمت ابوسهه وشتمنه
حظنته وارتجف مابين اديه
*****
تون محد سمع ونك صحابك
لئن انته نكرت اهلك صحابك
مغيم يالوكت ماظن صحابك
يدريك الوكت صاحب رديه
****
انتخبناكم ثقه بيكم وضعنه
و تهنه براي حادينه وضعنه
اذا عام ويضل هيجي وضعنه
نبسط بالجهال بخمسميه
*****
أشم عطرك ورد معجون من ياس
وظل خدك ترف محظور من ياس
لحد نوم الكبر منجوز من ياس
احبك واليصير يصير بيه
********
زدت هجرك عليه وكلت لاباس
وطيفك ما شبكني بيوم لاباس
عليك اليوم ثوب الحزن لاباس
وافك حزني لون مريت بيه
*********
يقيس الغار صدك من هوانه
ونسيم يمر عليكم حر هوانه
اللاكيك وتلكي من هوانه
واكلك روح سويت العليه
*********
يحن كلبي عليكم من حنينه
ولا مره بوصالك من حنينه
لون الروح بيدك من حنينه
واكل الروح راويني المنيه
*********
احذرك لا تداين من تدانه
تظل دومك تطالب من تدانه
دجرب يوم وادخل منتدانه
تشح حتى الردود من التحيه
تقبلوا اجمل تحياتي
